എറണാകുളം ജില്ലയില്‍ ഇന്ന് 925 പേര്‍ക്ക് കൊവിഡ്
759 പേര്‍ക്കും രോഗം പിടിപെട്ടത് സമ്പര്‍ക്കത്തിലൂടെയാണ്
കൊച്ചി: എറണാകുളം ജില്ലയില്‍ ഇന്ന് 925 പേര്‍ക്ക് കൊവിഡ് സ്ഥിരീകരിച്ചു. ഇതില്‍ 759 പേര്‍ക്കും രോഗം പിടിപെട്ടത് സമ്പര്‍ക്കത്തിലൂടെയാണ്. 30 പേര്‍ വിദേശം, ഇതരസംസ്ഥാനം എന്നിവടങ്ങളില്‍ നിന്നും വന്നവരാണ്. 123 പേരുടെ രോഗത്തിന്റെ ഉറവിടം വ്യക്തമല്ല. എട്ട് ആരോഗ്യ പ്രവര്‍ത്തകര്‍ക്കും ഐഎന്‍എച്ച്എസിലെ അഞ്ചു പേര്‍ക്കും ഇന്ന് സമ്പര്‍ക്കത്തിലുടെ രോഗം സ്ഥിരീകരിച്ചു. ഇന്ന് 402 പേര്‍ രോഗ മുക്തി നേടി. ഇതില്‍ 398 പേര്‍ എറണാകുളം ജില്ലക്കാരും 2 പേര്‍ മറ്റ് സംസ്ഥാനത്ത് നിന്നുള്ളവരും 2 പേര്‍ മറ്റ് ജില്ലക്കാരുമാണ്.
ഇന്ന് 2283 പേരെ കൂടി ജില്ലയില്‍ പുതുതായി വീടുകളില്‍ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 1010 പേരെ നിരീക്ഷണ പട്ടികയില്‍ നിന്നും ഒഴിവാക്കുകയും ചെയ്തു. നിരീക്ഷണത്തില്‍ ഉള്ളവരുടെ ആകെ എണ്ണം 25945 ആണ്. ഇതില്‍ 24103 പേര്‍ വീടുകളിലും 156 പേര്‍ കൊവിഡ് കെയര്‍ സെന്ററുകളിലും 1686 പേര്‍ പണം കൊടുത്തുപയോഗിക്കാവുന്ന സ്ഥാപനങ്ങളിലുമാണ്.ഇന്ന് 213 പേരെ ആശുപത്രിയിലും എഫ്എല്‍റ്റിസിയിലുമായി പ്രവേശിപ്പിച്ചു. വിവിധ ആശുപ്രതികളിലും എഫ്എല്‍റ്റിസികളില്‍ നിന്ന് 221 പേരെ ഇന്ന് ഡിസ്ചാര്‍ജ് ചെയ്തു. 9952 പേരാണ് നിലവില്‍ രോഗം സ്ഥിരീകരിച്ചു ചികില്‍സയില്‍ കഴിയുന്നത്.
കളമശ്ശേരി മെഡിക്കല്‍ കോളജ് - 247,പി വി എസ് -35,സഞ്ജീവനി - 105, സ്വകാര്യ ആശുപത്രികള്‍ - 747,എഫ് എല്‍റ്റിസികള്‍ - 1730, വീടുകള്‍ - 6165 എന്നിങ്ങനെയാണ് ചികില്‍സയില്‍ കഴിയുന്നത്. ഇന്ന് ജില്ലയില്‍ നിന്നും കൊവിഡ് പരിശോധനയുടെ ഭാഗമായി 2483 സാംപിളുകള്‍ കൂടി പരിശോധയ്ക്ക് അയച്ചിട്ടുണ്ട്. ഇന്ന് 2153 പരിശോധന ഫലങ്ങളാണ് ലഭിച്ചത്. ഇന്ന് അയച്ച സാംപിളുകള്‍ ഉള്‍പ്പെടെ ഇനി 1391 ഫലങ്ങളാണ് ലഭിക്കാനുള്ളത്. ജില്ലയിലെ സ്വകാര്യ ലാബുകളില്‍ നിന്നും സ്വകാര്യ ആശുപത്രികളില്‍ നിന്നുമായി ഇന്ന് 4895 സാംപിളുകള്‍ പരിശോധനയ്ക്കായി ശേഖരിച്ചു.