പാലക്കാട് ജില്ലയിൽ ഇന്ന് 51 പേർക്ക് കൊവിഡ് സ്ഥിരീകരിച്ചു.

പാലക്കാട്: പാലക്കാട് ജില്ലയിൽ വ്യാഴാഴ്ച്ച ഇതര സംസ്ഥാനത്തു നിന്നു വന്ന എട്ട് പേർക്കും വിവിധ രാജ്യങ്ങളിൽ നിന്ന് വന്ന മൂന്ന് പേർക്കും സമ്പർക്കത്തിലൂടെ 39 പേർക്കും ഉറവിടം വ്യക്തമല്ലാത്ത ഒരാൾക്കും ഉൾപ്പെടെ 51 പേർക്ക് കൊവിഡ് 19 സ്ഥിരീകരിച്ചതായി ആരോഗ്യവകുപ്പ് അറിയിച്ചു.

പട്ടാമ്പിയിൽ നടത്തിയ പരിശോധനയിൽ ആൻറിജൻ ടെസ്റ്റിലൂടെ 38 പേർക്കാണ് രോഗം സ്ഥിരീകരിച്ചത്.ഇതിൽ രണ്ട് തൃശൂർ സ്വദേശികളും ഉൾപ്പെടുന്നുണ്ട്. ആകെ 44 പേർക്കാണ് ജില്ലയിൽ ഇന്നലെ ആൻറിജൻ ടെസ്റ്റിലൂടെ രോഗം സ്ഥിരീകരിച്ചത്. 

ഇതോടെ ജില്ലയിൽ ചികിൽസയിലുള്ളവരുടെ എണ്ണം 329 ആയി. ജില്ലയിൽ ചികിൽസയിൽ ഉള്ളവർക്ക് പുറമേ പാലക്കാട് ജില്ലക്കാരായ രണ്ടുപേർ വീതം മലപ്പുറം, ഇടുക്കി, കണ്ണൂർ ജില്ലകളിലും മൂന്നുപേർ എറണാകുളത്തും ചികിൽസയിൽ ഉണ്ട്.  ജില്ലയിൽ 45 പേർക്ക് രോഗമുക്തി ഉള്ളതായും അധികൃതർ അറിയിച്ചിട്ടുണ്ട്.