ചന്ദീഗഡ്: തിരഞ്ഞെടുപ്പ് പെരുമാറ്റച്ചട്ടം ലംഘിച്ച പഞ്ചാബിലെ ഗുരുദാസ്പൂരിലെ ബിജെപി സ്ഥാനാര്‍ഥി സണ്ണിഡിയോളിനെതിരേ തിരഞ്ഞെടുപ്പ് കമ്മീഷന്‍ നോട്ടീസ്.
പരസ്യപ്രചരണ സമയം കഴിഞ്ഞിട്ടും പത്താന്‍ കോട്ടിലര്‍ പൊതുയോഗം നടത്തിയതിനെ തുടര്‍ന്നാണ് കമ്മീഷന്‍ നോട്ടീസ് അയച്ചത്. പൊതുയോഗത്തല്‍ 200ലധികം ആളുകള്‍ പങ്കെടുക്കുകയും ഉച്ചഭാഷിണി ഉപയോഗിക്കുകയും ചെയ്തിരുന്നു. പഞ്ചാബിലെ 13 ലോക്‌സഭാ സീറ്റുകളിലേക്കു ഞായറാഴ്ചയാണ് തിരഞ്ഞെടുപ്പ് നടക്കുന്നത്. കോണ്‍ഗ്രസിന്റെ സുനില്‍ ജാഗറാണ് ഡിയോളിന്റെ എതിരാളി.