എഎവൈ കിറ്റുകൾ ഇന്ന് വിതരണത്തിനെത്തും: ഭക്ഷ്യമന്ത്രി
മുന്‍ഗണനാ പട്ടികയിലുള്ള ആളുകള്‍ക്ക് വിതരണം ചെയ്യാനുള്ള കിറ്റുകള്‍ തയ്യാറാക്കി വരികയാണ്. ഈ മാസം കൊണ്ട് എല്ലാ കിറ്റുകളുടേയും വിതരണം പൂര്‍ത്തിയാക്കും.
തിരുവനന്തപുരം: സംസ്ഥാനത്ത് എല്ലാ സ്ഥലത്തും ഇന്ന് അന്ത്യോദയ അന്നയോജന കിറ്റുകള്‍ എത്തിക്കുമെന്ന് ഭക്ഷ്യമന്ത്രി പി തിലോത്തമന്‍ പറഞ്ഞു. പട്ടികവര്‍ഗവിഭാഗക്കാര്‍ക്കുള്ള കിറ്റുകള്‍ എത്തിച്ച് വിതരണം നടത്തിക്കഴിഞ്ഞു.
പട്ടികവര്‍ഗവിഭാഗക്കാര്‍ ഒഴികെയുള്ളവരുടെ എഎവൈ കിറ്റുകളുടെ വിതരണമാണ് ഇന്ന് നടക്കുക. കിറ്റുകളുടെ വിതരണം പുരോഗമിക്കുകയാണെന്നും മന്ത്രി പറഞ്ഞു. മുന്‍ഗണനാ പട്ടികയിലുള്ള ആളുകള്‍ക്ക് വിതരണം ചെയ്യാനുള്ള കിറ്റുകള്‍ തയ്യാറാക്കി വരികയാണ്. ഈ മാസം കൊണ്ട് എല്ലാ കിറ്റുകളുടേയും വിതരണം പൂര്‍ത്തിയാക്കാനാണ് സര്‍ക്കാര്‍ ലക്ഷ്യമിടുന്നതെന്ന് മന്ത്രി പറഞ്ഞു.