സ്വകാര്യ ബസ്സുമായി കൂട്ടിയിടിച്ച പിക്കപ്പിന്റെ ഡ്രൈവര്‍ മരിച്ചു
വടകരക്കും മാഹിക്കും ഇടയിലാണ് സ്വകാര്യ ബസ്സും പിക്കപ്പും കൂട്ടിയിടിച്ചത്. പിക്കപ്പ് ഡ്രൈവര്‍ മലപ്പുറം അരീക്കാട് കാവനൂര്‍ ഇരുവേറ്റി സ്വദേശി പൊട്ടന്‍ചാലില്‍ അബ്ദുള്ളയുടെ മകന്‍ ബഷീറാണ് (45) മരിച്ചത്.
അരീക്കോട്: കണ്ണൂക്കരയില്‍ സ്വകാര്യ ബസ്സും പിക്കപ്പും കൂട്ടിയിടിച്ച് പിക്കപ്പ് ഡ്രൈവര്‍ മരിച്ചു. വടകരക്കും മാഹിക്കും ഇടയിലാണ് സ്വകാര്യ ബസ്സും പിക്കപ്പും കൂട്ടിയിടിച്ചത്. പിക്കപ്പ് ഡ്രൈവര്‍ മലപ്പുറം അരീക്കാട് കാവനൂര്‍ ഇരുവേറ്റി സ്വദേശി പൊട്ടന്‍ചാലില്‍ അബ്ദുള്ളയുടെ മകന്‍ ബഷീറാണ് (45) മരിച്ചത്. ഇന്നു രാവിലെ പതിനൊന്നു മണിയോടെയാണ് അപകടം. കോഴിക്കോട് നിന്നു കണ്ണൂരിലേക്ക് പോകുന്ന നാഷണല്‍ ബസ്സും എതിരെ വന്ന പിക്കപ്പും കൂട്ടിയടിക്കുകയായിരുന്നു. വാനിന്റെ കാബിനില്‍ കുടുങ്ങിയ ഡ്രൈവര്‍ ബഷീറിനെ ഏറെ പരിശ്രമിച്ച് പുറത്തെടുത്ത് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
അപകടത്തെ തുടര്‍ന്ന് ദേശീയപാതയില്‍ ഏറെ നേരം ഗതാഗതം താറുമാറായി. മൃതദേഹം വടകര ജില്ല ആശുപത്രി മോര്‍ച്ചറിയിലേക്ക് മാറ്റി. ബസ് യാത്രക്കാരായ ചിലര്‍ക്ക് നിസ്സാര പരിക്കുണ്ട്. പിതാവ് പരേതനായ പൊട്ടന്‍ചാലില്‍ അബ്ദുള്ള. മാതാവ്: ഉണ്ണിയായുമ്മ. ഭാര്യ: സുമയ്യ. മക്കള്‍: ഷബാന റോഷ്‌നി, അസ്ബിന്‍,നാസിഹ്.