മുഖ്യമന്ത്രിയെ തെറിവിളിച്ച പെണ്‍കുട്ടിയ്‌ക്കെതിരെ കേസ്
ഹര്‍ത്താല്‍ ദിവസം നടന്ന ബിജെപി പ്രകടനത്തിലാണ് രാജേശ്വരി മുഖ്യമന്ത്രിയേയും പോലിസിനേയും തെറി വിളിക്കുന്ന വീഡിയോ സോഷ്യല്‍ മീഡിയയില്‍ വൈറലായിരുന്നു.
കാസര്‍കോട്: ശബരിമല യുവതീ പ്രവേശനത്തില്‍ പ്രതിഷേധിച്ചു ശബരിമല കര്‍മസമിതി നടത്തിയ ഹര്‍ത്താല്‍ ദിനത്തിലെ ജാഥയില്‍ മുഖ്യമന്ത്രി പിണറായി വിജയനെ തെറിവിളിച്ച പെണ്‍കുട്ടിക്ക് എതിരേ കേസ് എടുത്തു. കാസര്‍കോട് ജെപി നഗര്‍ കോളനിയിലെ രഘുരാമന്റെ മകള്‍ രാജേശ്വരിയ്‌ക്കെതിരെയാണ് കാസര്‍കോട് ടൗണ്‍ പോലിസ് കേസെടുത്തത്. ഹര്‍ത്താല്‍ ദിവസം നടന്ന ബിജെപി പ്രകടനത്തില്‍ രാജേശ്വരി മുഖ്യമന്ത്രിയേയും പോലിസിനേയും തെറി വിളിക്കുന്ന വീഡിയോ സോഷ്യല്‍ മീഡിയയില്‍ വൈറലായിരുന്നു. തുടര്‍ന്ന് ഡി വൈ എഫ് ഐ കാസര്‍കോട് ബ്ലോക്ക് സെക്രട്ടറി പി ശിവദാസ് രാജേശ്വശിക്കെതിരേ പരാതി നല്‍കിയിരുന്നു.