വിദേശത്തേയ്ക്ക് ഹാഷിഷ് കടത്താന്‍ ശ്രമം: ഒളിവില്‍ കഴിഞ്ഞ നാലു പേര്‍ പിടിയില്‍
മലപ്പുറം സ്വദേശികളായ നാലുപേരെയാണ് കസ്റ്റംസ് പിടികൂടിയിരിക്കുന്നത്. ഈ വര്‍ഷം ജനുവരിയിലാണ് നെടുമ്പാശേരി വിമാനത്താവളം വഴി മയക്കു മരുന്നു കടത്താന്‍ ശ്രമിച്ചത്.സംഭവത്തില്‍ മലപ്പുറം സ്വദേശിയായ യുവാവ് 1.6 കിലോ ഹാഷിഷുമായി അന്ന് നെടുമ്പാശേരി വിമാനത്താവളത്തിലെ കസ്റ്റംസിന്റെ പിടിയിലായിരുന്നു
കൊച്ചി: വിദേശത്തേയക്ക് ഹാഷിഷ് കടത്താന്‍ ശ്രമിച്ച കേസില്‍ ഒളിവില്‍ കഴിഞ്ഞിരുന്ന നാലു പ്രതികളെ എയര്‍ കസ്റ്റംസ് ഇന്റലിജന്‍സ് നെടുമ്പാശേരിയില്‍ പിടികൂടി. മലപ്പുറം സ്വദേശികളായ നാലുപേരെയാണ് കസ്റ്റംസ് പിടികൂടിയിരിക്കുന്നത്. ഈ വര്‍ഷം ജനുവരിയിലാണ് നെടുമ്പാശേരി വിമാനത്താവളം വഴി മയക്കു മരുന്നു കടത്താന്‍ ശ്രമിച്ചത്.സംഭവത്തില്‍ മലപ്പുറം സ്വദേശിയായ യുവാവ് 1.6 കിലോ ഹാഷിഷുമായി അന്ന് നെടുമ്പാശേരി വിമാനത്താവളത്തിലെ കസ്റ്റംസിന്റെ പിടിയിലായിരുന്നു.
പൊതികളിലാക്കി ബാഗേജില്‍ ഒളിപ്പിച്ചിരുന്ന മയക്കുമരുന്നു ബാഗുപരിശോധന സമയത്ത് സുരക്ഷാ ഉദ്യോഗസ്ഥരാണ് കണ്ടെത്തിയത് തുടര്‍ന്ന് ഇത് കസ്റ്റംസിന് കൈമാറുകയായിരുന്നു.തുടര്‍ന്ന് ഇയാളെ ചോദ്യം ചെയ്തതില്‍ നിന്നാണ് പ്രധാന കണ്ണികളായ മറ്റുള്ളവരെക്കുറിച്ച് വിവരം ലഭിക്കുന്നത്.തുടര്‍ന്ന് ഇവരെ പിടികൂടാന്‍ അന്വേഷണം നടന്നുവരുന്നതിനിടയിലാണ് ഇന്ന് രാവിലെ ഇവര്‍ പിടിയിലാകുന്നത്. വിേേദശത്തേയക്ക് ഇവര്‍ കടക്കന്‍ ശ്രമിച്ചിരുന്നുവെങ്കിലും ഇത് നടക്കാതെ വന്നതോടെ കസ്റ്റംസിനു മുമ്പാകെ ഇവര്‍ കീഴടങ്ങിയതാണെന്നാണ് വിവരം.ഇവരെ ചോദ്യം ചെയ്തു വരികയാണ്.ഇവരെക്കൂടാതെ ഒരാള്‍ കൂടി പിടിയിലാകാനുണ്ടെന്നാണ് അറിയുന്നത്. ഇയാള്‍ വിദേശത്താണത്രെ.