പ്ലസ്ടു സേ, ഇംപ്രൂവ്‌മെന്റ് പരീക്ഷ ജൂണ്‍ 10 മുതല്‍
പരീക്ഷയ്ക്ക് അപേക്ഷിക്കാനുള്ള അവസാന തിയ്യതി മെയ് 15നാണ്.
തിരുവനന്തപുരം: സംസ്ഥാനത്തെ ഹയര്‍ സെക്കന്‍ഡറി സേ/ഇംപ്രൂവ്‌മെന്റ് പരീക്ഷകള്‍ ജൂണ്‍ 10 മുതല്‍ 17 വരെ നടക്കും. പരീക്ഷയ്ക്ക് അപേക്ഷിക്കാനുള്ള അവസാന തിയ്യതി മെയ് 15നാണ്. മെയ് 30, 31 തിയ്യതികളിലാണ് പ്രായോഗിക പരീക്ഷ. പുനര്‍മൂല്യനിര്‍ണയം, ഫോട്ടോകോപ്പി, സൂക്ഷ്മപരിശോധന എന്നിവയ്ക്ക് അപേക്ഷിക്കാനുള്ള അവസാന തിയ്യതി മെയ് 15നാണ്. ഒന്നാംവര്‍ഷ പരീക്ഷയുടെ ഫലപ്രഖ്യാപനവും ഈമാസമുണ്ടാവും.
മെയ് 10 മുതല്‍ പ്ലസ്‌വണ്‍ പ്രവേശനത്തിന് അപേക്ഷിക്കാം. മെയ് 20ന് ട്രെയില്‍ അലോട്ട്‌മെന്റ്. ആദ്യഘട്ട അലോട്ട്‌മെന്റെ മെയ് 24നാണ്. ജൂണ്‍ മൂന്നിന് പ്ലസ്‌വണ്‍ ക്ലാസുകള്‍ ആരംഭിക്കും. ഇതാദ്യമായാണ് സംസ്ഥാനത്ത് ഒന്നു മുതല്‍ പ്ലസ്ടു വരെയുള്ള എല്ലാ ക്ലാസുകളും ഒരുമിച്ച് ആരംഭിക്കുന്നത്.