തദ്ദേശ സ്ഥാപന തിരഞ്ഞെടുപ്പ്: ചെട്ടികുളങ്ങര ഗ്രാമപഞ്ചായത്ത് ഏഴാം വാര്‍ഡില്‍ എല്‍ ഡി എഫിന് വിജയം
464 വോട്ടുകളുടെ ഭൂരിപക്ഷത്തിലാണ് രോഹിത് എം പിള്ള വിജയിച്ചത്.യു ഡി എഫ് ന്റെ കെ വര്‍ഗീസിന് 200 വോട്ടും, എന്‍ ഡി എ സ്ഥാനാര്‍ഥി മഹേശ്വരന് 184 വോട്ടുകളുമാണ് ലഭിച്ചത്
ആലപ്പുഴ : ചെട്ടികുളങ്ങര ഗ്രാമപ്പഞ്ചായത്ത് ഏഴാം വാര്‍ഡില്‍ നടന്ന തിരഞ്ഞെടുപ്പില്‍ എല്‍ ഡി എഫ് സ്ഥാനാര്‍ഥി രോഹിത് എം പിള്ളയക്ക് വിജയം. 464 വോട്ടുകളുടെ ഭൂരിപക്ഷത്തിലാണ് രോഹിത് എം പിള്ള വിജയിച്ചത്. ആകെ പോള്‍ ചെയ്ത 1048 വോട്ടുകളില്‍ (10 പോസ്റ്റല്‍ വോട്ടുകള്‍ ഉള്‍പ്പെടെ ) 664 വോട്ടുകള്‍ രോഹിത്തിനു ലഭിച്ചപ്പോള്‍ തൊട്ടടുത്ത എതിര്‍ സ്ഥാനാര്‍ഥിയായ യു ഡി എഫ് ന്റെ കെ വര്‍ഗീസിന് 200 വോട്ടും, എന്‍ ഡി എ സ്ഥാനാര്‍ഥി മഹേശ്വരന് 184 വോട്ടുകളുമാണ് ലഭിച്ചത്. നേരത്തെ ഇവിടുത്തെ എല്‍ ഡി എഫ് സ്ഥാനാര്‍ഥിയുടെ മരണത്തെ തുടര്‍ന്നാണ് ഇവിടെ തിരഞ്ഞെടുപ്പ് മാറ്റിവെച്ചിരുന്നത്.