തൊണ്ടിമുതല്‍ കേസ് റദ്ദാക്കണമെന്ന്; ഹരജിയുമായി മന്ത്രി ആന്റണി രാജു ഹൈക്കോടതിയില്‍
കേസ് നിലനില്‍ക്കുന്നതല്ലെന്നും കുറകുറ്റപത്രവും കേസിലെ തുടര്‍ നടപടികളും റദ്ദാക്കണമെന്നുമാണ് ഹരജിയിലെ ആവശ്യം
കൊച്ചി: തൊണ്ടിമുതലില്‍ കൃത്രിമം നടത്തിയെന്ന കേസ് റദ്ദാക്കണമെന്ന ആവശ്യവുമായി മന്ത്രി ആന്റണി രാജു ഹൈക്കോടതിയില്‍ ഹരജി സമര്‍പ്പിച്ചു. കേസ് നിലനില്‍ക്കുന്നതല്ലെന്നും കുറകുറ്റപത്രവും കേസിലെ തുടര്‍ നടപടികളും റദ്ദാക്കണമെന്നുമാണ് ഹരജിയിലെ ആവശ്യം.
കേസില്‍ കുറ്റപത്രം സമര്‍പ്പിച്ച് 16 വര്‍ഷം കഴിഞ്ഞിട്ടും വിചാരണ തുടങ്ങാത്തതു ചൂണ്ടികാട്ടി തൃശൂര്‍ സ്വദേശിയായ ജോര്‍ജ്ജ് വട്ടുകളം നേരത്തെ ഹൈക്കോടതിയല്‍ ഹരജി നല്‍കിയിരുന്നു.
ഹരജി പരിഗണിച്ച കോടതി വിചാരണ നീണ്ടുപോയതിനെ കുറിച്ച് മജിസ്‌ട്രേറ്റ് കോടതിയോട് റിപ്പോര്‍ട്ട് സമര്‍പ്പിക്കാന്‍ ഹൈക്കോടതി നിര്‍ദ്ദേശിച്ചിട്ടുണ്ട്.ഇതിനു പിന്നാലെയാണ് കേസ് റദ്ദാക്കണമെന്നാവശ്യപ്പെട്ട് ആന്റണി രാജു ഹൈക്കോടതിയെ സമീപിച്ചിരിക്കുന്നത്.