മലപ്പുറം: ഫലസ്തീന് സമൂഹത്തിനുമേല്‍ ഇസ്രായേല്‍ തുടരുന്ന ആക്രമണങ്ങളില്‍ പ്രതിഷേധിച്ച് കേരള സംസ്ഥാന സുന്നി യുവജന ഫെഡറേഷന്‍ (എസ്‌വൈഎഫ്) നാളെ മുതല്‍ 24 വരെ ഫലസ്തീന്: പീഢിതര്‍ക്കൊപ്പം പ്രാര്‍ത്ഥനാപൂര്‍വം എന്ന പ്രമേയത്തില്‍ ഐക്യദാര്‍ഢ്യവാരം ആചരിക്കും. വെബിനാര്‍, പ്രാര്‍ത്ഥനാ മജ്‌ലിസ്, പ്രതിഷേധമുറ്റം, വിഷ്വല്‍ പ്രതിഷേധം, നേതൃമൊഴി, സമാപനസംഗമം തുടങ്ങിയ വിവിധ പരിപാടികളാണ് വാരാചരണത്തില്‍ നടക്കുക.
നാളെ വൈകീട്ട് 4 മണിക്ക് പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഓണ്‍ലൈനില്‍ പരിപാടി ഉദ്‌ലാടനം ചെയ്യും. എസ്‌വൈഎഫ് സംസ്ഥാന പ്രസിഡന്റ് സയ്യിദ് ഹാശിം ബാഫഖി തങ്ങള്‍ അധ്യക്ഷത വഹിക്കും. എസ്‌വൈഎഫ് കേന്ദ്ര സമിതി കണ്‍വീനര്‍ അലി അക്ബര്‍ മൗലവി, ഐ കെഎസ്എസ് സംസ്ഥാന ചെയര്‍മാന്‍ അഡ്വ. ഫാറൂഖ് ഇ മുഹമ്മദ്, അഡ്വ. ടി സിദ്ദീഖ് എംഎല്‍എ, അഡ്വ. ഫൈസല്‍ ബാബു, മുഹമ്മദ് മുഹ്‌സിന്‍ എംഎല്‍എ, അശ്‌റഫ് ബാഖവി ഒടിയപാറ, ഇബ്രാഹിം വഹബി തോണിപ്പാടം, റിയാസ് ഗസ്സാലി വെള്ളിലാടി സംസാരിക്കും.