ആലപ്പുഴ: പോപുലര്‍ ഫ്രണ്ട് ഡേയോടനുബന്ധിച്ച് ആലപ്പുഴ ജില്ലയിലെ യൂനിറ്റി മാര്‍ച്ച് ഫെബ്രുവരി 17 ന് തൃക്കുന്നപ്പുഴയിലെ പാനൂരില്‍ നടക്കുമെന്ന് ജില്ലാ പ്രസിഡന്റ് പി എ നവാസ് വാര്‍ത്താസമ്മേളനത്തില്‍ അറിയിച്ചു. വൈകീട്ട് 4:45 ന് പാനൂര്‍ തോപ്പുമുക്കില്‍നിന്ന് യൂനിറ്റി മാര്‍ച്ചും ബഹുജനറാലിയും ആരംഭിക്കും. 5:30 ന് ഷഹീദ് ആലി മുസ്‌ല്യാര്‍ നഗറില്‍ (ടാങ്ക് ജങ്ഷന്‍) നടക്കുന്ന പൊതുസമ്മേളനം പോപുലര്‍ ഫ്രണ്ട് സംസ്ഥന സമിതിയംഗം എം കെ അഷ്‌റഫ് ഉദ്ഘാടനം ചെയ്യും.
ജില്ലാ പ്രസിഡന്റ് പി എ നവാസിന്റെ അധ്യക്ഷതയില്‍ ചേരുന്ന പൊതുസമ്മേളനത്തില്‍ സംസ്ഥാന പ്രതിനിധി സിയാദ് തൊളിക്കോട്, ജില്ലാ സെക്രട്ടറി നാസര്‍ പഴയങ്ങാടി, പി കെ മുഹമ്മദ് ബാദുഷ സഖാഫി, എം എം താഹിര്‍, പി എസ് അഷ്‌റഫ്, ഫൈസല്‍ ഷംസുദ്ദീന്‍, എച്ച് റാഷിദ്, ഇക്ബാല്‍ സാഗര്‍, സി എ സലിം ചക്കിട്ടപ്പറമ്പില്‍, മുനീര്‍ മുഹമ്മദ്, സഫിയ അസ്‌ലം, അബ്ദുറഹ്മാന്‍ മൗലവി, സുധീര്‍ വണ്ടാനം തുടങ്ങി വിവിധ മത, സാമൂഹിക, രാഷ്ട്രീയ നേതാക്കള്‍ സംബന്ധിക്കും. വാര്‍ത്താസമ്മേളനത്തില്‍ ജില്ലാ സെക്രട്ടറി നാസര്‍ പഴയങ്ങാടി, പിആര്‍ഒ സൈഫുദ്ദീന്‍, ജില്ലാ കമ്മിറ്റിയംഗം എം സാലിം പങ്കെടുത്തു.