പുതുവല്‍സരാഘോഷങ്ങള്‍ക്ക് ദുബയില്‍ നിയന്ത്രണം ഏര്‍പ്പെടുത്തി
കൂട്ടമായി നടത്തുന്ന പുതുവല്‍സര ആഘോഷങ്ങള്‍ക്ക് ദുബയില്‍ നിയന്ത്രണം ഏര്‍പ്പെടുത്തി.
ദുബയ്: കൂട്ടമായി നടത്തുന്ന പുതുവല്‍സര ആഘോഷങ്ങള്‍ക്ക് ദുബയില്‍ നിയന്ത്രണം ഏര്‍പ്പെടുത്തി. 30 ല്‍ കൂടുതല്‍ ആളുകള്‍ പങ്കെടുത്താല്‍ അര ലക്ഷം ദിര്‍ഹം പിഴ നല്‍കണം. സംഘാടകരാണ് ഈ പിഴ നല്‍കേണ്ടത്. കൂടാതെ ചടങ്ങിനെത്തുന്ന ഓരോ ആളുകളില്‍ നിന്നും 15,000 ദിര്‍ഹം വീതവും പിഴ ചുമത്തും.
കോവിഡ്-19 വ്യാപനം തടയുന്നതിന്റെ ഭാഗമായിട്ട് എമിറേറ്റ് സുപ്രീം കമ്മറ്റി ഓഫ് ക്രൈസിസ് ആന്റ് ഡിസാസ്റ്റര്‍ മാനേജ്‌മെന്റ് ആണ് ഇക്കാര്യം അറിയിച്ചത്. കൂടാതെ പങ്കെടുക്കുന്നവര്‍ പടര്‍ച്ചവ്യാധി തടയുന്നതിനായുള്ള എല്ലാ മാനദണ്ഡങ്ങളും പാലിക്കണം.