കുവൈത്തില്‍ കൊറോണ സ്ഥിരീകരിക്കപ്പെട്ട ഫിലിപ്പീനി യുവാവ് ജീവനൊടുക്കി
കൊറോണ രോഗ ലക്ഷണങ്ങളുമായി കഴിഞ്ഞ ദിവസമാണ് ഇയാളെ ആശുപത്രിയില്‍ പ്രവേശിക്കപ്പെട്ടത്.
കുവൈത്ത് സിറ്റി: കുവൈത്തില്‍ കൊറോണ വൈറസ് ബാധ സ്ഥിരീകരിക്കപ്പെട്ട ഫിലിപ്പീനി യുവാവിനെ തൂങ്ങി മരിച്ച നിലയില്‍ കണ്ടെത്തി. അമീരി ആശുപത്രിയില്‍ വെള്ളിയാഴ്ചയാണ് സംഭവം.
കൊറോണ രോഗ ലക്ഷണങ്ങളുമായി കഴിഞ്ഞ ദിവസമാണ് ഇയാളെ ആശുപത്രിയില്‍ പ്രവേശിക്കപ്പെട്ടത്. വിദഗ്ദ പരിശോധനയില്‍ ഇയാള്‍ക്ക് കൊറോണ വൈറസ് ബാധ സ്ഥിരീകരിക്കുകയും ഈ വിവരം ആശുപത്രി അധികൃതര്‍ ഇയാളെ അറിയിക്കുകയും ചെയ്തിരുന്നു. ഇതിനു ശേഷം വാര്‍ഡില്‍ നിന്നും അപ്രത്യക്ഷനായ ഇയാളെ ഏറെ തെരച്ചിലിനു ശേഷമാണ് ആശുപത്രിയിലെ ശുചി മുറിയില്‍ തൂങ്ങി മരിച്ച നിലയില്‍ കണ്ടെത്തിയത്. പോലിസ് അന്വേഷണം നടത്തി വരുന്നു.