ജുബൈൽ: ഇടതു സർക്കാരിന്റെ ജനദ്രോഹ നടപടികൾക്കെതിരെ പ്രവാസ കേരളീയ സമൂഹം ഒറ്റക്കെട്ടായി ശബ്‌ദിക്കണമെന്നു സോഷ്യൽ ഫോറം ജുബൈൽ ബ്ലോക്ക് കമ്മിറ്റി ആവശ്യപ്പെട്ടു. ഗൾഫിലെ നിലവിലെ പ്രതിസന്ധിയിൽ ദുരിതമനുഭവിക്കുന്ന പ്രവാസികൾക്ക് ഇടതു സർക്കാരിന്റെ ഇരുട്ടടിയാണ് ഈ വൈദ്യുതി ചാർജ്ജ് വർധന. വൻകിട കമ്പനികളുടെ കോടിക്കണക്കിനു രൂപ കുടിശ്ശിക പിരിച്ചെടുത്തു പരിഹരിക്കാവുന്ന സാമ്പത്തിക പ്രതിസന്ധി, കുത്തകളെ നോവിക്കാതെ പ്രവാസികൾ ഉൾപ്പെട്ട കേരളത്തിലെ സാധാരണക്കാരെ ദ്രോഹിക്കുന്ന നിലപാടാണ് സർക്കാർ കൈകൊള്ളുന്നതെന്നു യോഗം വിലയിരുത്തി. പ്രസിഡന്റ് ഷിഹാബ് കീച്ചേരി അധ്യക്ഷത വഹിച്ചു. സെക്രട്ടറി അൻസാർ പാലക്കാട് റഷീദ് പാലക്കാട് സംസാരിച്ചു.