ദുബയ്: യുഎഇയുടെ മലയോര പ്രദേശങ്ങളായ ഖോര്‍ഫക്കാന്‍ ഹത്ത, റാസല്‍ ഖൈമ, മസാഫി, മനാമ തുടങ്ങിയ പ്രദേശങ്ങളില്‍ ഇന്ന് ആലിപ്പഴ വര്‍ഷത്തോടെയുള്ള മഴ ലഭിച്ചു. മഴയെ തുടര്‍ന്ന് ഈ പ്രദേശങ്ങളുള്ള റോഡുകളില്‍ വെള്ളക്കെട്ടുകളും താഴ്‌വരകളില്‍ ശക്തമായ മഴ വെള്ളപ്പാച്ചിലും അനുഭവപ്പെട്ടു. ശക്തമായ മഴയെ തുടര്‍ന്ന് ദൂരക്കാഴ്ച കുറയുന്നതിനാല്‍ വാഹനം ഓടിക്കുന്നവര്‍ അതീവ ജാഗ്രത പാലിക്കണമെന്നും അധികൃതര്‍ ആവശ്യപ്പെട്ടിരുന്നു.