അബൂദബി: യുഎഇയില്‍ കൊവിഡ് ബാധിച്ച് മരിച്ചവരുടെ എണ്ണം നൂറ് കവിഞ്ഞു. ഇന്ന് മലയാളി യുവാവ് ഉള്‍പ്പെടെ ഏഴുപേര്‍ കൂടി മരിച്ചോതോടെ മരണസംഖ്യ 105 ആയി. അതേസമയം, രാജ്യത്ത് 552 പേര്‍ക്ക് കൂടി ഇന്ന് കൊവിഡ് സ്ഥിരീകരിച്ചു. യുഎഇയില്‍ ഇതുവരെ ഒരു ദിവസത്തില്‍ സ്ഥിരീകരിക്കുന്ന പോസിറ്റീവ് കേസുകളുടെ എണ്ണത്തിലെ ഏറ്റവും വലിയ സംഖ്യയാണിത്. ഇതോടെ മൊത്തം രോഗബാധിതരുടെ എണ്ണം 12,481 ആയി. ഇന്ന് 100 പേര്‍ കൂടി സുഖം പ്രാപിച്ചതോടെ രോഗമുക്തി നേടിയവരുടെ എണ്ണം 2,429 ആയി. തൃശൂര്‍ മുള്ളൂര്‍ക്കര മനപ്പടി അബ്ദുല്ല ഹാജിയുടെ മകന്‍ റഫീഖാണ് ഇന്ന് മരിച്ച മലയാളി. ദുബയ് റാഷിദ് ആശുപത്രിയില്‍ ചികില്‍സയിലായിരുന്നു.