കുവൈത്ത് സിറ്റി: കുവൈത്തില്‍ മലയാളി നഴ്‌സ് കൊറോണ ബാധിച്ചു മരിച്ചു. കുവൈത്ത് ബ്ലഡ് ബാങ്കില്‍ ജോലി ചെയ്തിരുന്ന സിസ്റ്റര്‍ ആനി മാത്യു(56) ആണ് മരിച്ചത്. ജാബിര്‍ ആശുപത്രിയിലായിരുന്നു അന്ത്യം. തിരുവല്ല സ്വദേശിനിയാണ്. കഴിഞ്ഞ ഫെബ്രുവരി 27 നാണ് നാട്ടില്‍ നിന്നും തിരിച്ചെത്തിയത്. ഭര്‍ത്താവ്: മാത്തന്‍ വര്‍ഗീസ്. മക്കള്‍: നിമ്മി, നിതിന്‍,നിപിന്‍. മകനോടൊപ്പം അബാസിയയിലായിരുന്നു താമസം. ഭര്‍ത്താവും രണ്ടു പെണ്‍കുട്ടികളും നാട്ടിലാണ്. മകള്‍ ബെഗളൂരുവില്‍ ഡെന്റിസ്റ്റാണ്. മൃതദേഹം കൊവിഡ് പ്രോട്ടോ കോള്‍ പ്രകാരം കുവൈത്തില്‍ സംസ്‌കരിക്കും.