മലപ്പുറം സ്വദേശി ദുബയില്‍ കൊവിഡ് ബാധിച്ച് മരിച്ചു
കീഴാംകളത്തില്‍ മരക്കാറിന്റെയും ആയിഷയുടെയും മകനാണ്. മൂന്നുമാസം മുമ്പാണ് നാട്ടില്‍ വന്നുമടങ്ങിയത്.
മലപ്പുറം: വളാഞ്ചേരി എടയൂര്‍ പൂക്കാട്ടിരി ബാവപ്പടി സ്വദേശി ദുബയില്‍ കൊവിഡ് ബാധിച്ച് മരിച്ചു. തൈവളപ്പില്‍ ഇസ്മയില്‍ (65) ആണ് മരിച്ചത്. ഇന്ന് പുലര്‍ച്ചെയായിരുന്നു മരണം. കീഴാംകളത്തില്‍ മരക്കാറിന്റെയും ആയിഷയുടെയും മകനാണ്. മൂന്നുമാസം മുമ്പാണ് നാട്ടില്‍ വന്നുമടങ്ങിയത്.
ദുബയില്‍ ബിസിനസായിരുന്നു. ഭാര്യ: ജമീല. മക്കള്‍: ഡോ. സലിം ഇസ്മാഈല്‍ (മെഡിക്കല്‍ ഓഫിസര്‍, തിരുന്നാവായ പിഎച്ച്‌സി), സജി ഇസ്മാഈല്‍ (ഫിസിയോതെറാപ്പിസ്റ്റ്, ദുബയ്), സോണിയ. മരുമക്കള്‍: ബേസീറ, സീനത്ത് (ഫിസിയോതെറാപ്പിസ്റ്റ്, ദുബയ്), ഷറഫുദ്ദീന്‍ (വല്ലപ്പുഴ).