കുവൈത്തില്‍ മലയാളി യുവാവ് ദുരൂഹ സാഹചര്യത്തില്‍ മരിച്ചു
പാലക്കാട് തൃത്താല തിരുമുറ്റക്കോട് കറുകപുത്തൂര്‍ സ്വദേശി ഉവൈസ്(26) ആണു ഇന്നു കാലത്ത് ഫര്‍വ്വാനിയ ആശുപത്രിയില്‍ മരിച്ചത്.
കുവൈത്ത് സിറ്റി: കുവൈത്തില്‍ മലയാളി യുവാവ് ദുരൂഹ സാഹചര്യത്തില്‍ മരിച്ചു. പാലക്കാട് തൃത്താല തിരുമുറ്റക്കോട് കറുകപുത്തൂര്‍ സ്വദേശി ഉവൈസ്(26) ആണു ഇന്നു കാലത്ത് ഫര്‍വ്വാനിയ ആശുപത്രിയില്‍ മരിച്ചത്. അര്‍ദ്ദിയ പ്രദേശത്തെ സ്വദേശി വീട്ടില്‍ ഡ്രൈവര്‍ ആയ ഇദ്ദേഹം ഇന്നലെ രാത്രി തൊട്ടടുത്ത വീട്ടില്‍ ജോലി ചെയ്യുന്ന നാട്ടുകാരനുമായി ഒരുമിച്ച് ഭക്ഷണം കഴിക്കുകയും തുടര്‍ന്ന് ശക്തമായ ഛര്‍ദ്ദി അനുഭവപ്പെട്ടതായും പറയപ്പെടുന്നു.
ഇതേ തുടര്‍ന്ന് രണ്ടു പേരെയും ഫര്‍വ്വാനിയ ആശുപത്രിയില്‍ പ്രവേശിപ്പിച്ചെങ്കിലും ഉവൈസ് മരണമടഞ്ഞു. സുഹൃത്ത് ഇപ്പോഴും ഗുരുതരാവസ്ഥയില്‍ ഫര്‍വ്വാനിയ ആശുപത്രിയില്‍ തീവ്ര പരിചരണ വിഭാഗത്തില്‍ കഴിയുകയാണ്. ഇയാളും ഉവൈസിന്റെ നാട്ടുകാരനാണ്. ഭക്ഷ്യ വിഷ ബാധയാണെന്നാണ് പ്രാഥമിക നിഗമനം. കൂടുതല്‍ വിവരങ്ങള്‍ ലഭ്യമായിട്ടില്ല.