ലോക അത്ലറ്റിക്സ് ചാംപ്യന്‍ഷിപ്പ്; എല്‍ദോസ് പോള്‍ ഒമ്പതാം സ്ഥാനത്ത്
ഈയിനത്തില്‍ അമേരിക്ക സ്വര്‍ണ്ണവും ജപ്പാന്‍ വെള്ളിയും ജമൈക്ക വെങ്കലവും നേടി.
ഒറിഗണ്‍: ലോക അത്ലറ്റിക്സ് ചാംപ്യന്‍ഷിപ്പില്‍ ട്രിപ്പ് ജംപില്‍ മെഡല്‍ പ്രതീക്ഷിച്ച ഇന്ത്യന്‍ താരം എല്‍ദോസ് പോളിന് നിരാശ. ഫൈനലില്‍ താരം ഒമ്പതാം സ്ഥാനത്താണ് ഫിനിഷ് ചെയ്തത്.
4-400 മീറ്റര്‍ പുരുഷ വിഭാഗം റിലേയില്‍ ഇന്ത്യന്‍ ടീമിന് ഫൈനലിലേക്ക് യോഗ്യത നേടാനായില്ല. ഇന്ത്യന്‍ ടീം 12ാം സ്ഥാനത്താണ് ഫിനിഷ് ചെയ്തത്. മുഹമ്മദ് അനസ് യഹിയാ, മുഹമ്മദ് അജ്മല്‍ വാരിയാതൊടി, നാഗനാഥന്‍ പാണ്ഡി, രജീഷ് രമേശ് എന്നിവരാണ് ഇന്ത്യയ്ക്കായി ഇറങ്ങിയത്. ഈയിനത്തില്‍ അമേരിക്ക സ്വര്‍ണ്ണവും ജപ്പാന്‍ വെള്ളിയും ജമൈക്ക വെങ്കലവും നേടി.