ഏഷ്യാ കപ്പ് യുഎഇയില്‍ നടക്കും
ഇത്തവണ ട്വന്റി-20 ഫോര്‍മാറ്റിലാണ് മല്‍സരങ്ങള്‍ അരങ്ങേറുക.
മുംബൈ: ഈ വര്‍ഷത്തെ ഏഷ്യാകപ്പ് യുഎഇയില്‍ നടക്കുമെന്ന് ബിസിസിഐ പ്രസിഡന്റ് സൗരവ് ഗാംഗുലി. ശ്രീലങ്കയിലെ രാഷ്ട്രീയ-സാമ്പത്തിക പ്രതിസന്ധിയെ തുടര്‍ന്നാണ് ടൂര്‍ണ്ണമെന്റ് യുഎയിലേക്ക് മാറ്റുന്നത്. നിലവിലെ സാഹചര്യത്തില്‍ മഴയിലാത്ത സ്ഥലം യുഎഇയാണ്. ടൂര്‍ണ്ണമെന്റിന്റെ സുഖമായ നടത്തിപ്പിന് യുഎഇയെ വേദിയാക്കുകയായിരുന്നുവെന്നും ഗാംഗുലി അറിയിച്ചു. ഓഗസ്റ്റ് 27മുതല്‍ സെപ്തംബര്‍ 11 വരെയാണ് ടൂര്‍ണ്ണമെന്റ്. ഇത്തവണ ട്വന്റി-20 ഫോര്‍മാറ്റിലാണ് മല്‍സരങ്ങള്‍ അരങ്ങേറുക. പ്രതിസന്ധികള്‍ക്കിടയിലും ലങ്കയില്‍ ഓസ്‌ട്രേലിയന്‍ പരമ്പര നടന്നിരുന്നു.