ഇംഗ്ലണ്ട് ഓള്‍ റൗണ്ടര്‍ മോയിന്‍ അലി ടെസ്റ്റ് ക്രിക്കറ്റില്‍ നിന്ന് വിരമിച്ചു
ഏകദിന-ട്വന്ററി ഫോര്‍മാറ്റുകളില്‍ ശ്രദ്ധകേന്ദ്രീകരിക്കുമെന്ന് താരം അറിയിച്ചു
ലണ്ടന്‍: ഇംഗ്ലണ്ടിന്റെ മികച്ച ഓള്‍ റൗണ്ടര്‍ മോയിന്‍ അലി ടസെറ്റ് ക്രിക്കറ്റില്‍ നിന്നും വിരമിച്ചു.നിലവില്‍ ചെന്നൈ സൂപ്പര്‍ കിങ്‌സിനൊപ്പമുള്ള മോയിന്‍ അലി വിരമിക്കല്‍ പ്രഖ്യാപനം നടത്തിയതായി ഇംഗ്ലിഷ് ക്രിക്കറ്റ് ബോര്‍ഡാണ് അറിയിച്ചത്. 64 ടെസ്റ്റുകളില്‍ നിന്നായി 2,914 റണ്‍സ് നേടിയിട്ടുണ്ട്. ഇതില്‍ അഞ്ച് സെഞ്ചുറികളും 14 അര്‍ദ്ദസെഞ്ചുറിയും ഉള്‍പ്പെടും. സ്പിന്നറായ മോയിന്‍ അലി 195 വിക്കറ്റും നേടിയിട്ടുണ്ട്.അടുത്തിടെയായി ഫോം നഷ്ടപ്പെട്ട താരം ടീമില്‍ ഇടം നേടാന്‍ ബുദ്ധിമുട്ടിയിരുന്നു. ഏകദിന-ട്വന്ററി ഫോര്‍മാറ്റുകളില്‍ ശ്രദ്ധകേന്ദ്രീകരിക്കുമെന്ന് താരം അറിയിച്ചു.തന്നെ പിന്തുണച്ച എല്ലാവര്‍ക്കും മോയിന്‍ അലി നന്ദി പറഞ്ഞു.