1021 ദിവസത്തിന് ശേഷം കോഹ്‌ലിയുടെ സെഞ്ചുറി; ട്വിറ്ററില്‍ ആഘോഷം
ട്വന്റിയിലൂടെ സെഞ്ചുറി പിറക്കുമെന്ന് താന്‍ ഒരിക്കലും കരുതിയിരുന്നില്ലെന്ന് കോഹ്‌ലി
ദുബായ്: 2019 നവംബറിന് ശേഷം ആദ്യമായി അന്താരാഷ്ട്ര സെഞ്ചുറി നേടിയ വിരാട് കോഹ്‌ലിക്ക് ട്വിറ്ററില്‍ ആശംസാ പ്രവാഹം. ഏഷ്യാകപ്പ് സൂപ്പര്‍ ഫോറില്‍ അഫ്ഗാനിസ്താനെതിരേയാണ് കോഹ്‌ലിയുടെ സെഞ്ചുറി പിറന്നത്. 53 പന്തിലാണ് താരത്തിന്റെ സെഞ്ചുറി. ട്വന്റി-20യിലെ താരത്തിന്റെ ആദ്യ സെഞ്ചുറിയാണ്.താരത്തിന്റെ 71ാം സെഞ്ചുറിയാണ്. 1021 ദിവസങ്ങള്‍ക്ക് ശേഷമാണ് കോഹ്‌ലിയുടെ അന്താരാഷ്ട്ര സെഞ്ചുറി വരുന്നത്.
ട്വന്റിയിലൂടെ സെഞ്ചുറി പിറക്കുമെന്ന് താന്‍ ഒരിക്കലും കരുതിയിരുന്നില്ലെന്ന് കോഹ്‌ലി മല്‍സരശേഷം പറഞ്ഞു.സെഞ്ചുറി പത്‌നിയും ബോളിവുഡ് നടിയുമായ അനുഷ്‌കാ ശര്‍മ്മയ്ക്കും മകള്‍ക്കും സമര്‍പ്പിക്കുന്നുവെന്ന് താരം അറിയിച്ചു. സെഞ്ചുറിയെ തുടര്‍ന്ന് താരങ്ങളും ആരാധകരും ട്വിറ്ററില്‍ ആഘോഷം തുടരുകയാണ്.
