ഐപിഎല്‍; പഞ്ചാബിനെ 123ല്‍ ഒതുക്കി കൊല്‍ക്കത്ത
പഞ്ചാബ് നിരയില്‍ മായങ്ക് അഗര്‍വാള്‍ (31), ജോര്‍ദ്ദന്‍ (30) എന്നിവര്‍ മാത്രമാണ് ഇന്ന് മികച്ചു നിന്നത്.
അഹ്മദാബാദ്: ഇന്ത്യന്‍ പ്രീമിയര്‍ ലീഗില്‍ പഞ്ചാബ് കിങ്‌സിനെ 123ല്‍ ഒതുക്കി കൊല്‍ക്കത്താ നൈറ്റ് റൈഡേഴ്‌സ്. ടോസ് നേടിയ കൊല്‍ക്കത്ത പഞ്ചാബിനെ ബാറ്റിങിനയക്കുകയായിരുന്നു. നിശ്ചിത ഓവറില്‍ ഒമ്പത് വിക്കറ്റ് നഷ്ടത്തിലാണ് പഞ്ചാബ് 123 റണ്‍സ് നേടിയത്. പഞ്ചാബ് നിരയില്‍ മായങ്ക് അഗര്‍വാള്‍ (31), ജോര്‍ദ്ദന്‍ (30) എന്നിവര്‍ മാത്രമാണ് ഇന്ന് മികച്ചു നിന്നത്. രാഹുലും നിക്കോളസ് പൂരനും 19 റണ്‍സെടുത്ത് പുറത്തായി. മൂന്ന് വിക്കറ്റ് നേടിയ പ്രസിദ്ധ് കൃഷ്ണ രണ്ട് വീതം വിക്കറ്റ് നേടിയ പാറ്റ് കമ്മിന്‍സ്, നരേയന്‍ എന്നിവരുടെ ബൗളിങ് മികവാണ് കൊല്‍ക്കത്തയുടെ രക്ഷയ്‌ക്കെത്തിയത്.