ഐഎസ്എല്‍; ബ്ലാസ്റ്റേഴ്‌സിന്റെ എതിരാളികളാവാന്‍ ഹൈദരാബാദ് എടികെയ്‌ക്കെതിരേ
അത്ഭുതങ്ങള്‍ സംഭവിച്ചില്ലെങ്കില്‍ ഹൈദരാബാദ് തന്നെയാവും മഞ്ഞപ്പടയുടെ ഫൈനലിലെ എതിരാളി
പനാജി: ഇന്ത്യന്‍ സൂപ്പര്‍ ലീഗ് ഫൈനലില്‍ കേരളാ ബ്ലാസ്റ്റേഴ്‌സിന്റെ എതിരാളികളാവാന്‍ ഇന്ന് ഹൈദരാബാദ് എടികെ മോഹന്‍ ബഗാനെതിരേ ഇറങ്ങുന്നു. സെമിയിലെ ആദ്യപാദത്തില്‍ 3-1ന്റെ വന്‍ ജയം ഹൈദരാബാദ് നേടിയിരുന്നു. എടികെ ഇന്ന് മൂന്ന് ഗോളിന് ഹൈദരാബാദിനെ മറികടക്കുക അസാധ്യമാണ്. അത്ഭുതങ്ങള്‍ സംഭവിച്ചില്ലെങ്കില്‍ ഹൈദരാബാദ് തന്നെയാവും മഞ്ഞപ്പടയുടെ ഫൈനലിലെ എതിരാളി. വന്‍ ലീഡോടെ ഫൈനലിലേക്ക് കുതിക്കാനാണ് ഹൈദരാബാദ് ലക്ഷ്യം. മല്‍സരം രാത്രി 7.30നാണ്.