എല്ലാവരും നെഗറ്റീവ്; പരിശീലനം തുടങ്ങി ബാഴ്‌സയും ഇന്റര്‍മിലാനും
സ്‌പെയിനില്‍ ബാഴ്‌സലോണ, സെവിയ്യ, വിയ്യാറല്‍, ഒസാസുന, ലെഗനീസ് എന്നീ ക്ലബ്ബുകളും ഇറ്റലിയില്‍ ഇന്റര്‍മിലാനും എസി മിലാനുമാണ് പരിശീലനം തുടങ്ങിയത്.
റോം: രണ്ട് മാസത്തിന് സ്‌പെയിനിലും ഇറ്റലിയിലും ഫുട്‌ബോള്‍ താരങ്ങള്‍ പരിശീലനം നടത്തി. കൊറോണാ വൈറസ് ബാധയെ തുടര്‍ന്ന് താല്‍ക്കാലികമായി നിര്‍ത്തിവച്ച ഫുട്‌ബോള്‍ ലീഗുകള്‍ ഉടന്‍ തുടരാനിരിക്കെയാണ് താരങ്ങളുടെ പരിശീലനം. സ്പാനിഷ് ലീഗിലും ഇറ്റാലിയന്‍ ലീഗിലും രണ്ട് ദിവസം മുമ്പ് കൊറോണാ ടെസ്റ്റ് നടത്തിയിരുന്നു. ഇതില്‍ എല്ലാവരും നെഗറ്റീവ് ആയതിനെ തുടര്‍ന്നാണ് പരിശീലനം ഇന്ന് തുടങ്ങിയത്.
സ്‌പെയിനില്‍ ബാഴ്‌സലോണ, സെവിയ്യ, വിയ്യാറല്‍, ഒസാസുന, ലെഗനീസ് എന്നീ ക്ലബ്ബുകളും ഇറ്റലിയില്‍ ഇന്റര്‍മിലാനും എസി മിലാനുമാണ് പരിശീലനം തുടങ്ങിയത്. റയല്‍ മാഡ്രിഡ് തിങ്കളാഴ്ചയാണ് പരിശീലനം തുടങ്ങുക. താരങ്ങള്‍ ഒറ്റയ്ക്കാണ് പരിശീലനം നടത്തുന്നത്. സാമൂഹിക അകലം പാലിച്ചാണ് താരങ്ങള്‍ ഗ്രൗണ്ടില്‍ പരിശീലനം നടത്തിയത്. ജര്‍മ്മനിയില്‍ ഇതിനോടകം പരിശീലനം തുടങ്ങിയിരുന്നു.