റൊണാള്‍ഡ് അറഹോയുടെ പരിക്ക് ഗുരുതരമല്ല; സാവി
സെല്‍റ്റാ വിഗോയെ ബാഴ്‌സ 3-1ന് പരാജയപ്പെടുത്തിയിരുന്നു.
ക്യാംപ് നൗ: ബാഴ്‌സലോണയുടെ സൂപ്പര്‍ താരം റൊണാള്‍ഡ് അറോഹയുടെ പരിക്ക് ഗുരുതരമല്ലെന്ന് കോച്ച് സാവി. താരം ആശുപത്രിയിലാണെന്നും എന്നാല്‍ ഭയപ്പെടേണ്ട സാഹചര്യമില്ലെന്നും സാവി അറിയിച്ചു. ഇന്ന് പുലര്‍ച്ചെ സ്പാനിഷ് ലീഗില്‍ സെല്‍റ്റാ വിഗോയ്‌ക്കെതിരായ മല്‍സരത്തിനിടെയാണ് അറോഹയ്ക്ക് സഹതാരമായ ഗവിയുമായി കൂട്ടിയിടിച്ച് പരിക്കേറ്റത്. തുടര്‍ന്ന് ഗ്രൗണ്ടിലേക്ക് ആംബുലന്‍സെത്തി താരത്തെ ആശുപത്രിയിലേക്ക് കൊണ്ടുപോവുകയായിരുന്നു. തലയ്ക്ക് പരിക്കേറ്റ അറോഹ ദീര്‍ഘനേരം അബോധാവസ്ഥായിലായിരുന്നു. സെല്‍റ്റാ വിഗോയെ ബാഴ്‌സ 3-1ന് പരാജയപ്പെടുത്തിയിരുന്നു.