റൊണാള്‍ഡോ റോമയിലേക്കോ? സ്‌പോര്‍ട്ടിങ് ലിസ്ബണും ട്രാന്‍സ്ഫര്‍ വിപണിയില്‍
നേരത്തെ താരം യുനൈറ്റഡ് വിടില്ലെന്ന് റിപ്പോര്‍ട്ട് ഉണ്ടായിരുന്നു.
റോം: മാഞ്ചസ്റ്റര്‍ യുനൈറ്റഡിന്റെ പോര്‍ച്ചുഗല്‍ സൂപ്പര്‍ താരം ക്രിസ്റ്റ്യനോ റൊണാള്‍ഡോ ക്ലബ്ബ് വിട്ടേക്കുമെന്ന് റിപ്പോര്‍ട്ട്. 37കാരനായ താരത്തിനായി ഏജന്റ് പുതിയ ക്ലബ്ബ് തേടുന്നുവെന്നാണ് യൂറോപ്പില്‍ നിന്നും വരുന്ന റിപ്പോര്‍ട്ടുകള്‍. ജോസ് മൊറീഞ്ഞോയുടെ ഇറ്റാലിയന്‍ ക്ലബ്ബ് എ എസ് റോമ, റൊണാള്‍ഡോയുടെ പഴയ ക്ലബ്ബ് സ്‌പോര്‍ട്ടിങ് ലിസ്ബണ്‍ എന്നിവരാണ് താരത്തിനായി നിലവില്‍ മുന്നിലുള്ളത്. നേരത്തെ താരം യുനൈറ്റഡ് വിടില്ലെന്ന് റിപ്പോര്‍ട്ട് ഉണ്ടായിരുന്നു. പുതിയ കോച്ച് എറിക് ടെന്‍ ഹാഗിനൊപ്പം പുതിയ സീസണില്‍ റോണോ ഓള്‍ഡ് ട്രാഫോഡില്‍ ഉണ്ടാവുമോ എന്ന് കണ്ടറിയാം.