ആഫ്‌ക്കോണ്‍; ഈജിപ്തും ഇക്വാറ്റോറിയലും ക്വാര്‍ട്ടറില്‍
ക്വാര്‍ട്ടറില്‍ കരുത്തരായ മൊറോക്കോയാണ് ഈജിപ്തിന്റെ എതിരാളി.
യോണ്ടെ: ആഫ്രിക്കന്‍ നേഷന്‍സ് കപ്പില്‍ ക്വാര്‍ട്ടറില്‍ പ്രവേശിച്ച് ഈജിപ്ത്. പ്രീക്വാര്‍ട്ടറില്‍ ഐവിറികോസ്റ്റിനെ പെനാല്‍റ്റി ഷൂട്ടൗട്ടില്‍ വീഴ്ത്തിയാണ് ഏഴാം തവണയും ഈജിപ്ത് ക്വാര്‍ട്ടറില്‍ കടന്നത്. 5-4നാണ് ഈജിപ്തിന്റെ ജയം.ഈജിപ്തിന്റെ നിര്‍ണ്ണായക പെനാല്‍റ്റി ഗോളാക്കിയത് മുഹമ്മദ് സലാഹായിരുന്നു. നിശ്ചിത സമയത്ത് മല്‍സരം ഗോള്‍രഹിത സമനിലയില്‍ കലാശിച്ചിരുന്നു. ക്വാര്‍ട്ടറില്‍ കരുത്തരായ മൊറോക്കോയാണ് ഈജിപ്തിന്റെ എതിരാളി.
മറ്റൊരു പ്രീക്വാര്‍ട്ടറില്‍ മാലിയെ പെനാല്‍റ്റി ഷൂട്ടൗട്ടില്‍ 6-5ന് മറികടന്ന് ഇക്വാറ്റോറിയല്‍ ഗുനിയയും ക്വാര്‍ട്ടറില്‍ കടന്നു.