ലാ ലിഗ; റയല്‍ ഒന്നില്‍; അത്‌ലറ്റിക്കോ രണ്ടില്‍; തോല്‍വിയോടെ സോസിഡാഡ് മൂന്നിലേക്ക് വീണു

മാഡ്രിഡ്: സ്പാനിഷ് ലീഗില്‍ തകര്‍പ്പന്‍ തിരിച്ചുവരവോടെ റയല്‍ മാഡ്രിഡ് ഒന്നാം സ്ഥാനത്തെ ലീഡ് വര്‍ദ്ധിപ്പിച്ചു. സെവിയ്യയെ 2-1നാണ് റയല്‍ ഇന്ന് വീഴ്ത്തിയത്. ആദ്യം ലീഡെടുത്ത സെവിയ്യക്കെതിരേ രണ്ട് സൂപ്പര്‍ ഗോളുകള്‍ തിരിച്ചടിച്ചാണ് റയല്‍ ജയം നേടിയത്. ജയത്തോടെ ഒന്നാം സ്ഥാനത്തുള്ള റയലിന് നാല് പോയിന്റിന്റെ ലീഡ് ലഭിച്ചു. കരീം ബെന്‍സിമ, വിനീഷ്യസ് ജൂനിയര്‍ എന്നിവരാണ് റയലിന്റെ സ്‌കോറര്‍മാര്‍.

കാഡിസിനെ 4-1ന് മറികടന്നാണ് അത്‌ലറ്റിക്കോ മാഡ്രിഡ് രണ്ടാം സ്ഥാനത്തേക്ക് തിരിച്ചുവന്നത്. ഒമ്പതാം സ്ഥാനത്തുള്ള എസ്പാനിയോളിനോട് എതിരില്ലാത്ത ഒരു ഗോളിന്റെ തോല്‍വിയേറ്റുവാങ്ങി റയല്‍ സോസിഡാഡ് മൂന്നാം സ്ഥാനത്തേക്ക് വീണു. റയലിനോട് തോറ്റ സെവിയ്യ നാലാം സ്ഥാനത്തേക്കും വീണു.