ഐഎസ്എല്‍; ഗോവന്‍ പ്രതീക്ഷകളെ കാറ്റില്‍ പറത്തി ബെംഗളൂരു; ഒഡീഷ പ്ലേ ഓഫില്‍
ഇന്ന് ബെംഗളൂരുവിനായി ശിവശക്തി ഇരട്ട ഗോള്‍ നേടിയപ്പോള്‍ പാബ്ലോ പെരെസ് ഒരു ഗോളും നേടി.
ബെംഗളൂരു: ഇന്ത്യന്‍ സൂപ്പര്‍ ലീഗില്‍ ഒഡീഷാ പ്ലേ ഓഫില്‍. ഇന്ന് നടന്ന മല്‍സരത്തില്‍ ബെംഗളൂരു എഫ്‌സി ഗോവയെ 3-1ന് പരാജയപ്പെടുത്തിയതോടെയാണ് ഒഡീഷയുടെ പ്ലേ ഓഫ് വാതില്‍ തുറന്നത്.ജയിച്ചാല്‍ മാത്രമായിരുന്നു ഗോവയ്ക്ക് പ്ലേ ഓഫ് യോഗ്യത. ഒഡീഷ 30 പോയിന്റുമായി ആറാമത് ഫിനിഷ് ചെയ്തു. 27 പോയിന്റുമായി ഗോവ ഏഴാം സ്ഥാനത്ത് ഫിനിഷ് ചെയ്തു. ഇന്നത്തെ ജയത്തോടെ ബെംഗളൂരു 34 പോയിന്റുമായി മൂന്നാം സ്ഥാനത്ത് നിലയുറപ്പിച്ചു. ഇന്ന് ബെംഗളൂരുവിനായി ശിവശക്തി ഇരട്ട ഗോള്‍ നേടിയപ്പോള്‍ പാബ്ലോ പെരെസ് ഒരു ഗോളും നേടി.