ചാംപ്യന്‍സ് ലീഗ്; ലിവര്‍പൂളും സിറ്റിയും സെമിയില്‍
ആദ്യപാദത്തിലെ ഒരു ഗോള്‍ ലീഡില്‍ സിറ്റി സെമിയില്‍ പ്രവേശിച്ചു.
ആന്‍ഫീല്‍ഡ്: ബെന്‍ഫിക്കയെ തകര്‍ത്ത് ലിവര്‍പൂളും അത്‌ലറ്റിക്കോ മാഡ്രിഡിനെ വീഴ്ത്തി മാഞ്ചസ്റ്റര്‍ സിറ്റിയും യുവേഫാ ചാംപ്യന്‍സ് ലീഗ് സെമിയില്‍ കടന്നു.ബെന്‍ഫിക്കയെ ഇരുപാദങ്ങളിലുമായി 6-4 അഗ്രിഗേറ്റ് സ്‌കോറിനാണ് ലിവര്‍പൂള്‍ തകര്‍ത്തത്.ആദ്യപാദത്തില്‍ 3-1ന്റെ ജയം നേടിയ ലിവര്‍പൂളിനെ ആന്‍ഫീല്‍ഡില്‍ ഇന്ന് നടന്ന രണ്ടാം പാദത്തില്‍ ബെന്‍ഫിക്ക ഞെട്ടിച്ചു.ഇന്ന് മല്‍സരം 3-3 സമനിലയിലാണ് അവസാനിച്ചത്. ഇബ്രാഹിം കൊനാറ്റ(21), റോബര്‍ട്ടോ ഫിര്‍മിനോ (55, 65) എന്നിവരാണ് ലിവര്‍പൂളിനായി സ്‌കോര്‍ ചെയ്തത്.ബെന്‍ഫിക്ക ഇതിന് മൂന്ന് ഗോളിലൂടെ മറുപടിയും നല്‍കി. എന്നാല്‍ ആദ്യപാദത്തിലെ വന്‍ ജയം ലിവര്‍പൂളിനെ തുണയ്ക്കുകയായിരുന്നു.
സിറ്റി-അത്‌ലറ്റിക്കോ മല്‍സരത്തില്‍ ഇരുടീമും ഗോളടിക്കാന്‍ മറന്നു.ഗോള്‍രഹിത സമനിലയില്‍ മല്‍സരം അവസാനിച്ചു. ആദ്യപാദത്തിലെ ഒരു ഗോള്‍ ലീഡില്‍ സിറ്റി സെമിയില്‍ പ്രവേശിച്ചു.