യൂറോപ്പാ ലീഗ് ഡ്രോ; നോക്കൗട്ടില്‍ യുനൈറ്റഡിന് എതിരാളി ബാഴ്‌സലോണ
എഫ് സി സാല്‍സ്ബര്‍ഗ് റോമയുമായി കൊമ്പുകോര്‍ക്കും.
മാഞ്ചസ്റ്റര്‍: യൂറോപ്പാ ലീഗ് നോക്കൗട്ട് റൗണ്ട് പ്ലേ ഓഫില്‍ മാഞ്ചസ്റ്റര്‍ യുനൈറ്റഡിന് എതിരാളി ബാഴ്‌സലോണ. ചാംപ്യന്‍സ് ലീഗില്‍ മൂന്നാം സ്ഥാനത്ത് ഫിനിഷ് ചെയ്ത എട്ട് ടീമുകളാണ് യൂറോപ്പാ ലീഗില്‍ ഗ്രൂപ്പ് ഘട്ടത്തില്‍ രണ്ടാം സ്ഥാനത്ത് ഫിനിഷ് ചെയ്തവരുമായി ഏറ്റുമുട്ടുക. ഇരുപാദങ്ങളിലായി നടക്കുന്ന മല്‍സരങ്ങള്‍ ഫെബ്രുവരി 16നാരംഭിക്കും. യുവന്റസിന്റെ എതിരാളി നാന്റീസ് ആണ്. സ്‌പോര്‍ട്ടിങ് ലിസ്ബണ്‍ മിഡറ്റിലാന്റിനെ നേരിടുമ്പോള്‍ ശക്തര്‍ ഡൊണറ്റ്‌സക്ക് റെനീസിനെ നേരിടും. അയാകസിന്റെ മല്‍സരം യൂണിയന്‍ ബെര്‍ലിനുമായാണ്. ബയേണ്‍ ലെവര്‍കൂസന്‍ മൊണാക്കോയുമായി കൊമ്പുകോര്‍ക്കും. ആറ് തവണ യൂറോപ്പാ ലീഗ് കിരീടം നേടിയ സെവിയ്യ പിഎസ് വി ഐന്തോവനെ നേരിടും. എഫ് സി സാല്‍സ്ബര്‍ഗ് റോമയുമായി കൊമ്പുകോര്‍ക്കും.