ട്രാന്‍സ്ഫര്‍ വിപണിയില്‍ ബ്ലാസ്റ്റേഴ്സിന് തിരിച്ചടി; പെരേരാ ഡയസ്സ് മുംബൈയില്‍
മറ്റൊരു സൂപ്പര്‍ താരമായ അല്‍വാരോ വാസ്‌ക്വസിനെയും നിലനിര്‍ത്താന്‍ ബ്ലാസ്റ്റേഴ്സിന് ഇത്തവണ കഴിഞ്ഞില്ല.
മുംബൈ: ട്രാന്‍സ്ഫര്‍ വിപണയില്‍ കേരളാ ബ്ലാസ്റ്റേഴ്സിന് കനത്ത തിരിച്ചടി നല്‍കി മുംബൈ സിറ്റി എഫ്‌സി. കഴിഞ്ഞ സീസണിലെ ബ്ലാസ്റ്റേഴ്‌സിന്റെ ടോപ് സ്‌കോററായ ജോര്‍ജ്ജ് പെരേരാ ഡയസ്സിനെ മുംബൈ സിറ്റി സ്വന്തമാക്കി. അര്‍ജന്റീനന്‍ താരം അറബ് ക്ലബ്ബുകളിലേക്ക് ചേക്കേറുമെന്നായിരുന്നു ആദ്യ റിപ്പോര്‍ട്ടുകള്‍. തുടര്‍ന്ന് ബ്ലാസ്‌റ്റേഴ്‌സില്‍ നില നിര്‍ത്തുമെന്നും റിപ്പോര്‍ട്ടുണ്ടായിരുന്നു.
പിന്നീട് താരത്തിന് ബ്ലാസ്റ്റേഴസ് ആശംസകള്‍ അര്‍പ്പിച്ചിരുന്നു. എന്നാല്‍ കഴിഞ്ഞ ദിവസമാണ് ഏവരെയും ഞെട്ടിച്ചുകൊണ്ട് മുംബൈ ഡയസ്സിന്റെ പ്രഖ്യാപനം നടത്തിയത്. വന്‍ തുക മുടക്കിയാണ് ഡയസ്സിനെ മുംബൈ റാഞ്ചിയത്. അര്‍ജന്റീനന്‍ ക്ലബ്ബ് അത്‌ലറ്റിക്കോ പ്ലാറ്റന്‍സിന്റെ താരമാണ് ഈ 31കാരന്‍. ഇവിടെ നിന്നും വായ്പടാ അടിസ്ഥാനത്തിലാണ് ബ്ലാസ്റ്റേഴ്‌സ് താരത്തെ കഴിഞ്ഞ സീസണില്‍ ടീമിലെത്തിച്ചത്. മറ്റൊരു സൂപ്പര്‍ താരമായ അല്‍വാരോ വാസ്‌ക്വസിനെയും നിലനിര്‍ത്താന്‍ ബ്ലാസ്റ്റേഴ്സിന് ഇത്തവണ കഴിഞ്ഞില്ല. താരം എഫ്‌സി ഗോവയിലേക്കാണ് ചേക്കേറിയത്.
🚨 𝗖𝗟𝗨𝗕 𝗦𝗧𝗔𝗧𝗘𝗠𝗘𝗡𝗧 🚨
— Mumbai City FC (@MumbaiCityFC) July 20, 2022
Mumbai City are delighted to announce the signing of Jorge Pereyra Díaz - subject to a medical ✍️#HolaJorge #MumbaiCity #AamchiCity 🔵 pic.twitter.com/DTAGEZorn1