പിഎസ്ജിയില്‍ തുടരണം; ആരെയും ഒന്നും തെളിയിക്കാനില്ല: നെയ്മര്‍
കോച്ച് ക്രിസ്‌റ്റോഫെ ഗ്ലാറ്റിയറും നെയ്മറിന്റെ പ്രകടനത്തില്‍ സന്തുഷ്ടി രേഖപ്പെടുത്തി.
പാരിസ്: ബ്രസീലിയന്‍ താരം നെയ്മര്‍ ജൂനിയറിന്റെ ട്രാന്‍സ്ഫര്‍ അഭ്യൂഹങ്ങളുമായി ബന്ധപ്പെട്ട് നിര്‍ണ്ണായക സൂചനകള്‍ പുറത്ത്. താരം തന്നെയാണ് ഇന്ന് നേരിട്ട് പ്രസ്താവന നടത്തിയത്. പിഎസ്ജിയില്‍ തന്നെ തുടരാനാണ് ആഗ്രഹമെന്നും ആരെയും ഒന്നും തെളിയിക്കേണ്ട ആവശ്യമില്ലെന്നും താരം വ്യക്തമാക്കി. പിഎസ്ജിയില്‍ നിന്ന് പുറത്ത് പോവാന്‍ തന്നോട് ആരും ആവശ്യപ്പെട്ടില്ല. ഉര്‍വാ റെഡ്‌സിനെതിരായ മൂന്ന് ഗോളിന്റെ ജയത്തിന് ശേഷമാണ് താരം തന്റെ നിലപാട് വ്യക്തമാക്കിയത്. തനിക്ക് ഫുട്‌ബോള്‍ കളിക്കണം.ഫുട്‌ബോള്‍ കളിക്കുന്നതില്‍ സന്തോഷം കണ്ടെത്തുന്നു. താന്‍ പൂര്‍ണ്ണ ഫിറ്റാണ്-താരം അറിയിച്ചു. കോച്ച് ക്രിസ്‌റ്റോഫെ ഗ്ലാറ്റിയറും നെയ്മറിന്റെ പ്രകടനത്തില്‍ സന്തുഷ്ടി രേഖപ്പെടുത്തി.