ചാംപ്യന്‍സ് ലീഗ്; പോര്‍ട്ടോയെ ഗോള്‍മഴയില്‍ മുക്കി ലിവര്‍പൂള്‍
അന്റോണിയോ ഗ്രീസ്മാനാണ് അത്‌ലറ്റിക്കോയുടെ ആദ്യ ഗോള്‍ നേടിയത്.
ലിസ്ബണ്‍: ചാംപ്യന്‍സ് ലീഗില്‍ എഫ് സി പോര്‍ട്ടോയ്‌ക്കെതിരേ ഗോള്‍ മഴ പെയ്യിച്ച് ലിവര്‍പൂള്‍. പോര്‍ച്ചുഗലില്‍ നടന്ന മല്‍സരത്തില്‍ 5-1നാണ് ലിവര്‍പൂള്‍ പോര്‍ട്ടോയെ തറപ്പറ്റിച്ചത്. മുഹമ്മദ് സലാഹും ഫിര്‍മിനോയും ഇരട്ട ഗോള്‍ നേടിയ മല്‍സരത്തില്‍ സാദിയോ മാനെയും ചെമ്പടയ്ക്കായി സ്‌കോര്‍ ചെയ്തു. ഇതേ ഗ്രൂപ്പില്‍ നടന്ന മറ്റൊരു മല്‍സരത്തില്‍ അത്‌ലറ്റിക്കോ മാഡ്രിഡ് എസി മിലാനെ 2-1ന് പരാജയപ്പെടുത്തി. ബാഴ്‌സയില്‍ നിന്നും തിരിച്ചെത്തിയ അന്റോണിയോ ഗ്രീസ്മാനാണ് അത്‌ലറ്റിക്കോയുടെ ആദ്യ ഗോള്‍ നേടിയത്. ലൂയിസ് സുവാരസിന്റെ ഇഞ്ചുറി ടൈം ഗോളാണ് അത്‌ലറ്റിക്കോയ്ക്ക് ജയമൊരുക്കിയത്.