ഫ്രഞ്ച് ലീഗ് വണ്‍; നെയ്മര്‍ മികവില്‍ പിഎസ്ജി വീണ്ടും ഒന്നില്‍
33ാം മിനിറ്റിലാണ് നെയ്മറുടെ ഗോള്‍.
പാരിസ്: ഫ്രഞ്ച് ലീഗ് വണ്ണില്‍ പിഎസ്ജി വീണ്ടും ഒന്നില്‍. അഞ്ചാം സ്ഥാനക്കാരായ ലെന്‍സിനെ 2-1ന് വീഴ്ത്തിയാണ് പിഎസ്ജി പട്ടികയില്‍ വീണ്ടും ഒന്നിലെത്തിയത്. നെയ്മര്‍ ജൂനിയറുടെ ഒരു ഗോളിലും അസിസ്റ്റിലുമാണ് ഇന്ന് പിഎസ്ജി ജയം. 33ാം മിനിറ്റിലാണ് നെയ്മറുടെ ആദ്യ ഗോള്‍. 59ാം മിനിറ്റില്‍ മാര്‍ക്വിനോസ് രണ്ടാം ഗോള്‍ നേടി. നെയ്മറുടെ അസിസ്റ്റില്‍ നിന്നായിരുന്നു ഈ ഗോള്‍. രണ്ടാം സ്ഥാനത്തുള്ള ലില്ലെയുടെ മല്‍സരം ഇന്ന് നൈസിനെതിരായാണ്. കിരീടപോരാട്ടത്തില്‍ ലില്ലെയും പിഎസ്ജിയും ഇഞ്ചോടിഞ്ച് പോരാട്ടമാണ് നടക്കുന്നത്.