സെലിബ്രേറ്റി എക്‌സിബിഷന്‍; റൊണാള്‍ഡീഞ്ഞോ ടീമിനെ വീഴ്ത്തി റോബര്‍ട്ടോ കാര്‍ലോസ് ടീം
പോള്‍ പോഗ്‌ബെ, പൗളോ ഡിബാല, വിനീഷ്യസ് ജൂനിയര്‍ എന്നിവര്‍ റൊണാള്‍ഡീഞ്ഞോയുടെ ടീമിലായിരുന്നു.
മിയാമി: മിയാമിയില്‍ ഇന്ന് നടന്ന സെലിബ്രേറ്റി എക്‌സിബിഷന്‍ ടൂര്‍ണ്ണമെന്റില്‍ ബ്രസീലിയന്‍ ഇതിഹാസം റോബര്‍ട്ടോ കാര്‍ലോസ് ടീമിന് ജയം. റൊണാള്‍ഡീഞ്ഞോ ഇലവനെതിരേ 12-10ന്റെ ജയമാണ് ടീം നേടിയത്.ഇരുടീമിലും നിലവിലെ താരങ്ങളും പഴയ താരങ്ങളും മാറ്റുരച്ചു. മുന്‍ യുനൈറ്റഡ് താരങ്ങളായ റാഡ്‌മേല്‍ ഫാല്‍ക്കോ, നാനി, കഫു എന്നിവര്‍ കാര്‍ലോസിന്റെ ടീമിലായിരുന്നു. പോള്‍ പോഗ്‌ബെ, പൗളോ ഡിബാല, വിനീഷ്യസ് ജൂനിയര്‍ എന്നിവര്‍ റൊണാള്‍ഡീഞ്ഞോയുടെ ടീമിലായിരുന്നു.ദി ബ്യൂട്ടിഫുള്‍ ഗെയിം ബൈ ആര്‍ 10, ആര്‍സി ത്രീ എന്ന പേരിലായിരുന്നു ടൂര്‍ണ്ണമെന്റ്. മിയാമിയില്‍ മല്‍സരം കാണാന്‍ സ്റ്റേഡിയം നിറഞ്ഞു കവിഞ്ഞിരുന്നു.