ലക്ഷ്യം ഒന്ന്; ഇന്ററും എസി മിലാനും യുവന്റസും ഇന്നിറങ്ങും

ടൂറിന്‍: ഇറ്റാലിയന്‍ സീരി എയില്‍ ഇന്ന് വന്‍ പോരാട്ടങ്ങള്‍ക്കാണ് അരങ്ങൊരുങ്ങുന്നത്. ഒന്നാം സ്ഥാനക്കാരായ ഇന്റര്‍മിലാന്‍ ബൊള്‍ഗാനയ്‌ക്കെതിരേ ഇന്നിറങ്ങും. 11ാം സ്ഥാനക്കാരായ ബോള്‍ഗാനയെ വീഴ്ത്തി ഒന്നാം സ്ഥാനത്തെ ലീഡ് ഉയര്‍ത്താനാണ് ഇന്ററിന്റെ ലക്ഷ്യം. രണ്ടാം സ്ഥാനത്തുള്ള എസി മിലാന്റെ എതിരാളി 10ാം സ്ഥാനത്തുള്ള സംമ്പഡോറിയയാണ്. ലീഗില്‍ 59 പോയിന്റുള്ള എസി മിലാന് ജയിച്ച് ഒന്നിലേക്ക് കുതിക്കണം. 55 പോയിന്റുള്ള യുവന്റസിന് എതിരാളി ടൊറീനോയാണ്. 17ാം സ്ഥാനത്തുള്ള ടൊറീനോ യുവന്റസിന് ഭീഷണിയാവുമോ എന്ന് കണ്ടറിയാം. തുടര്‍ മല്‍സരങ്ങള്‍ ജയിച്ച് ഒന്നിലേക്ക് എത്തുക എന്നുതന്നെയാണ് ബ്ലൂ ലേഡിയുടെയും ലക്ഷ്യം.

ഫ്രഞ്ച് ലീഗില്‍ ഒന്നാം സ്ഥാനത്തുള്ള പിഎസ്ജി ഇന്ന് രണ്ടാം സ്ഥാനത്തുള്ള ലിലെയെ നേരിടും. ഇരുവര്‍ക്കും ലീഗില്‍ 63 പോയിന്റ് വീതമാണുള്ളത്. ഹെഡ് ടു ഹെഡ് മികവില്‍ പിഎസ്ജിയാണ് മുന്നില്‍.