ഇറ്റലിയില്‍ നപ്പോളി കുതിക്കുന്നു; യുവന്റ്‌സ് താളം കണ്ടെത്തി
സീരി എയില്‍ എസി മിലാന്, ഇന്റര്‍മിലാന്‍ എന്നിവര്‍ ഒന്നും രണ്ടും സ്ഥാനത്ത് നില്‍ക്കുന്നു.
ടൂറിന്‍: ഇറ്റാലിയന്‍ സീരി എയില്‍ നപ്പോളിയുടെ കുതിപ്പ് തുടരുന്നു. ഇന്ന് നടന്ന മല്‍സരത്തില്‍ ടൊറീനോയെ എതിരില്ലാത്ത ഒരു ഗോളിനാണ് നപ്പോളി പരാജയപ്പെടുത്തിയത്. ലീഗിലെ നപ്പോളിയുടെ തുടര്‍ച്ചയായ എട്ടാം ജയമാണ്. 24 പോയിന്റുമായി നപ്പോളി ലീഗില്‍ ഒന്നാമത് നില്‍ക്കുന്നു. മറ്റൊരു മല്‍സരത്തില്‍ യുവന്റസ് മികച്ച ഫോമിലുള്ള എ എസ് റോമയെ ഒരു ഗോളിന് പരാജയപ്പെടുത്തി.16ാം മിനിറ്റില്‍ മോയിസ് കീനാണ് യുവന്റസിനായി സ്‌കോര്‍ ചെയ്തത്. യുവന്റസ് ലീഗില്‍ ഏഴാം സ്ഥാനത്താണ്. ആറാം സ്ഥാനത്തുള്ള അറ്റ്‌ലാന്റ 4-1ന് എംമ്പോളിയെ പരാജയപ്പെടുത്തി. സീരി എയില്‍ എസി മിലാന്, ഇന്റര്‍മിലാന്‍ എന്നിവര്‍ ഒന്നും രണ്ടും സ്ഥാനത്ത് നില്‍ക്കുന്നു.