ചാംപ്യന്‍സ് ലീഗ്; മാഞ്ചസ്റ്റര്‍ സിറ്റി ഇന്ന് സ്‌പോര്‍ട്ടിങ് ലിസ്ബണിനെതിരേ
2008-09 സീസണിന് ശേഷം ആദ്യമായാണ് പോര്‍ച്ചുഗല്‍ പ്രമുഖരായ സ്‌പോര്‍ട്ടിങ് ലിസ്ബണ്‍ പ്രീക്വാര്‍ട്ടറില്‍ പ്രവേശിക്കുന്നത്.
ലിസ്ബണ്‍: ചാപ്യംന്‍സ് ലീഗ് പ്രീക്വാര്‍ട്ടര്‍ ആദ്യ പാദത്തില്‍ ഇംഗ്ലിഷ് പ്രമുഖരായ മാഞ്ചസ്റ്റര്‍ സിറ്റി ഇന്ന് സ്‌പോര്‍ട്ടിങ് ലിസ്ബണെ നേരിടും. കഴിഞ്ഞ തവണ ചെല്‍സിയോട് കൈവിട്ട ചാംപ്യന്‍സ് ലീഗ് കിരീടം സ്വന്തമാക്കുക എന്ന ലക്ഷ്യത്തിലാണ് സിറ്റിയുടെ ഓട്ടം. ഈ സീസണിലെ കിരീട ഫേവററ്റുകളായ സിറ്റിയുടെ നിരയില്‍ ഗ്രീലിഷ്, ജീസുസ് എന്നിവര്‍ ഉണ്ടാവില്ല. ഇംഗ്ലിഷ് പ്രീമിയര്‍ ലീഗിലെ ഒന്നാം സ്ഥാനക്കാര്‍ മികച്ച ഫോമിലുമാണ്. 2008-09 സീസണിന് ശേഷം ആദ്യമായാണ് പോര്‍ച്ചുഗല്‍ പ്രമുഖരായ സ്‌പോര്‍ട്ടിങ് ലിസ്ബണ്‍ പ്രീക്വാര്‍ട്ടറില്‍ പ്രവേശിക്കുന്നത്. രാത്രി 1.30നാണ് മല്‍സരം.