ക്യാംപ് നൗ ഇനി സ്‌പോട്ടിഫൈ ക്യാംപ് നൗ; ബാഴ്‌സയ്ക്ക് പുതിയ സ്‌പോണ്‍സര്‍മാര്‍
ജൂലായ് ഒന്നുമുതലാണ് കരാര്‍ പ്രാബല്യത്തില്‍ വരിക.
ക്യാംപ് നൗ: സ്പാനിഷ് ക്ലബ്ബ് എഫ് സി ബാഴ്‌സലോണയ്ക്ക് പുതിയ സ്‌പോണ്‍സര്‍മാര്‍. പ്രമുഖ മ്യൂസിക്ക് സ്ട്രീമിങ് പ്ലാറ്റ്‌ഫോമായ സ്‌പോട്ടിഫൈ ആണ് ബാഴ്‌സയുടെ പുതിയ സ്‌പോണ്‍സര്‍മാര്‍. നാല് വര്‍ഷത്തെ കരാര്‍ ആണ് സ്‌പോട്ടിഫൈയുമായി ഒപ്പ് വച്ചത്. പഴയ സ്‌പോണ്‍സര്‍മാരായ റാക്കുട്ടനുമായി കരാര്‍ ഒഴിവാക്കിയിരുന്നു. ബാഴ്‌സയുടെ പുരുഷ-വനിത ടീമുകളുടെ ജെഴ്‌സിക്ക് മുന്നില്‍ സ്‌പോട്ടിഫൈയുടെ പേരുണ്ടാവും. കൂടാതെ ക്യാംപ് നൗ സ്റ്റേഡിയം ഇനിമുതല്‍ സ്‌പോട്ടിഫൈ ക്യാംപ് നൗ എന്നറിയപ്പെടും. ജൂലായ് ഒന്നുമുതലാണ് കരാര്‍ പ്രാബല്യത്തില്‍ വരിക.