ഗോകുലത്തിന്റെ ഷിബില്‍ മുഹമ്മദ് ശ്രീനിധി എഫ്സിയിലേക്ക്
2015ല്‍ രൂപീകൃതമായ ശ്രീനിധി എഫ്‌സി ഈ വര്‍ഷമാണ് ഐലീഗിന് യോഗ്യത നേടിയത്.
കോഴിക്കോട്: ഗോകുലം എഫ്‌സിയുടെ മലപ്പുറം താരം ഷിബില്‍ മുഹമ്മദ് ശ്രീനിധി എഫ്സിയിലേക്ക് ചേക്കേറുന്നു. ഐ ലീഗിലേക്ക് അടുത്ത സീസണില്‍ ആദ്യമായി വരുന്ന ക്ലബ്ബാണ് ശ്രീനിധി ഡെക്കാണ്‍ എഫ്‌സി. ഗോകുലത്തിന്റെ മധ്യനിര താരമായ ഷിബില്‍ ഒരു വര്‍ഷത്തേക്കാണ് കരാര്‍ ഒപ്പുവയ്ക്കുന്നത്. 2019 മുതല്‍ താരം ഗോകുലത്തിനൊപ്പമുണ്ട്. ഗോകുലത്തിനായി നാല് ഗോളുകള്‍ നേടിയിരുന്നു. എന്നാല്‍ കഴിഞ്ഞ സീസണില്‍ താരത്തിന് ഗോകുലത്തില്‍ വേണ്ടത്ര അവസരം ലഭിച്ചിരുന്നില്ല. ഉബൈദ്, ലാല്‍റംസുഓള, മായകണ്ണന്‍ തുടങ്ങിയ മറ്റ് ഗോകുലം താരങ്ങളെയും ശ്രീനിധി സൈന്‍ ചെയ്തിട്ടുണ്ട്. 2015ല്‍ രൂപീകൃതമായ ശ്രീനിധി എഫ്‌സി ഈ വര്‍ഷമാണ് ഐലീഗിന് യോഗ്യത നേടിയത്.