യുവന്റസ് ദുരന്തം; ചാംപ്യന്‍സ് ലീഗില്‍ നിന്ന് പുറത്ത്; വിയ്യാറയല്‍ ക്വാര്‍ട്ടറില്‍
മറ്റൊരു പ്രീക്വാര്‍ട്ടറില്‍ ലില്ലെയെ വീഴ്ത്തി ചെല്‍സിയും ക്വാര്‍ട്ടര്‍ ഉറപ്പിച്ചു
ടൂറിന്‍:പിഎസ്ജി, മാഞ്ചസ്റ്റര്‍ യുനൈറ്റഡ് എന്നിവര്‍ക്ക് പിറകെ യുവന്റസും ചാംപ്യന്‍സ് ലീഗില്‍ നിന്ന് പുറത്ത്. പ്രീക്വാര്‍ട്ടറില്‍ ഇരുപാദങ്ങളിലുമായി 4-1ന് ജയിച്ച് വിയ്യാറയല്‍ ആണ് യുവന്റസ് പ്രതീക്ഷ അവസാനിപ്പിച്ചത്. ആദ്യ പാദത്തില്‍ 1-1 സമനിലയില്‍ അവസാനിച്ച മല്‍സരത്തിന്റെ രണ്ടാം പാദത്തില്‍ എതിരില്ലാത്ത മൂന്ന് ഗോളിനാണ് സ്പാനിഷ് ക്ലബ്ബ് യുവന്റസിനെ മറികടന്നത്. മൊറീനോ, ടോറസ്, ഡന്‍ജുമാ എന്നിവരാണ് വിയ്യാറയലിന്റെ സ്‌കോറര്‍മാര്‍.
മറ്റൊരു പ്രീക്വാര്‍ട്ടറില്‍ ലില്ലെയെ വീഴ്ത്തി ചെല്‍സിയും ക്വാര്‍ട്ടര്‍ ഉറപ്പിച്ചു. ഇരുപാദങ്ങളിലുമായി 4-1ന്റെ ജയമാണ് ചെല്‍സി നേടിയത്. രണ്ടാം പാദമായ ഇന്ന് 2-1ന്റെ ജയമാണ് ചെല്‍സി കരസ്ഥമാക്കിയത്. പുലിസിക്ക്, അസ്പിലിക്യുറ്റാ എന്നിവര്‍ ഇന്ന് ചെല്‍സിയ്ക്കായി സ്‌കോര്‍ ചെയ്തു.