ഇംഗ്ലണ്ട് ഓപ്പണ്‍ ബാഡ്മിന്റണ്‍; ആദ്യ റൗണ്ടില്‍ സൈന പിന്‍വാങ്ങി, കശ്യപ്പ് പുറത്ത്
11-21, 21-15, 12-21 എന്ന സെറ്റുകള്‍ക്കാണ് കിഡംബിയുടെ തോല്‍വി.
ബെര്‍മിങ്ഹാം: ഓള്‍ ഇംഗ്ലണ്ട് ഓപ്പണ്‍ ബാഡ്മിന്റണ്‍ ചാംപ്യന്‍ഷിപ്പിന്റെ ആദ്യ റൗണ്ടില്‍ ഇന്ത്യയുടെ സൈനാ നെഹ്‌വാള്‍ പിന്‍വാങ്ങി.ഡെന്‍മാര്‍ക്കിന്റെ മിയാ ബ്ലിഷ്‌ഫെല്‍ഡറ്റിനെതിരായ പോരാട്ടത്തില്‍ 8-21, 4-10 സ്‌കോറുകള്‍ക്ക് പിന്നിട്ട് നില്‍ക്കുമ്പോള്‍ പരിക്കിനെ തുടര്‍ന്നാണ് താരത്തിന്റെ പിന്‍മാറ്റം. സൈനയുടെ ഭര്‍ത്താവും മറ്റൊരു ഇന്ത്യന്‍ താരം കൂടിയായ പാരുപ്പള്ളി കശ്യപും ഒന്നാം റൗണ്ടില്‍ പുറത്തായി. ജപ്പാന്റെ ഒന്നാം നമ്പര്‍ താരം കെന്റെ മൊമോറ്റായോട് 13-21, 20-22 സ്‌കോറുകള്‍ക്കാണ് കശ്യപിന്റെ തോല്‍വി. മറ്റൊരു താരമായ ശ്രീകാന്ത് കിഡംബിയും ആദ്യ റൗണ്ടില്‍ പുറത്തായി. 11-21, 21-15, 12-21 എന്ന സെറ്റുകള്‍ക്കാണ് കിഡംബിയുടെ തോല്‍വി.