ഇന്ത്യയുടെ അന്‍ഷുല്‍ ജൂബലി യുഎഫ്‌സി ഫൈനലില്‍; ലൈറ്റര്‍വെയ്റ്റ് കരാറും
ഏഴ് ജയങ്ങളുടെ അപരാജിത കുതിപ്പിലാണ് അന്‍ഷുല്‍.
ലാസ്‌വെഗാസ്:ഇന്ത്യയുടെ അന്‍ഷുല്‍ ജൂബലി യുഎഫ്‌സി ഫൈനലില്‍. ലാസ് വെഗാസില്‍ നടന്ന മല്‍സരത്തില്‍ ഇന്തോനേഷ്യയുടെ ജെക്കാ സെറാഗിയെ പരാജയപ്പെടുത്തിയാണ് അന്‍ഷുല്‍ ഫൈനലില്‍ ഇടം നേടിയത്. ഫൈനല്‍ പ്രവേശനത്തോടെ താരത്തിന് യുഎഫ്‌സി കരാറും ലഭിച്ചു. ഭരത് ഖനാന്ധാരയ്ക്ക് ശേഷം ഈ നേട്ടം സ്വന്തമാക്കുന്ന രണ്ടാമത്തെ ഇന്ത്യക്കാരനാണ്. 2015ലാണ് അന്‍ഷുല്‍ എംഎംഎയില്‍ അരങ്ങേറ്റം കുറിച്ചത്. അമേച്വര്‍, പ്രോ ലെവലില്‍ 27കാരനായ അന്‍ഷുല്‍ ഇതുവരെ പരാജയപ്പെട്ടിട്ടില്ല. ഏഴ് ജയങ്ങളുടെ അപരാജിത കുതിപ്പിലാണ് അന്‍ഷുല്‍.താരം ഉത്തരാഖണ്ഡ് സ്വദേശിയാണ്.
