ഗുസ്തി ഫെഡറേഷന്റെ നിയന്ത്രണം മേരികോമിന്; താരങ്ങളുടെ ആരോപണത്തില്‍ അന്വേഷണം
ലൈംഗികാരോപണങ്ങള്‍ അന്വേഷിക്കാന്‍ ഒരു മാസത്തെ സമയമാണ് മേരി കോമിന് അനുവദിച്ചത്.
ഡല്‍ഹി:ഇന്ത്യന്‍ ഗുസ്തി ഫെഡറേഷന്റെ അധ്യക്ഷയായി ബോക്‌സിങ് താരം മേരി കോം. ഫെഡറേഷന്‍ പ്രസിഡന്റിന് ബ്രിജ് ഭൂഷണ്‍ ശരണെനെതിരേയുള്ള ലൈംഗികാരോപണങ്ങളെ തുടര്‍ന്ന് കഴിഞ്ഞ ദിവസം ഫെഡറേഷന്റെ പ്രവര്‍ത്തനങ്ങള്‍ താല്‍ക്കാലികമായി നിര്‍ത്തിവച്ചിരുന്നു. തുടര്‍ന്ന് ഇന്ന് കേന്ദ്ര കായിക മന്ത്രാലയം ഫെഡറേഷന്റെ മേല്‍നോട്ട സമിതി രൂപീകരിക്കുകയായിരുന്നു. ഈ സമിതിയുടെ അധ്യക്ഷയായാണ് ഒളിംപിക് മെഡല്‍ ജേതാവ് കൂടിയായ മേരി കോമിനെ തിരഞ്ഞെടുത്തത്. ഫെഡറേഷനെതിരേയുള്ള ലൈംഗിക, സാമ്പത്തിക ആരോപണങ്ങള്‍ അന്വേഷിക്കും. ഗുസ്തി ഫെഡറേഷന്റെ ദൈനംദിന കാര്യങ്ങളും മേരി കോം നോക്കും. ലൈംഗികാരോപണങ്ങള്‍ അന്വേഷിക്കാന്‍ ഒരു മാസത്തെ സമയമാണ് മേരി കോമിന് അനുവദിച്ചത്.