വീണ്ടും വാക്‌സിന്‍ വിന;ജോക്കോവിച്ച് യു എസ് ഓപ്പണില്‍ നിന്ന് പിന്‍മാറി

ന്യൂയോര്‍ക്ക്: തിങ്കളാഴ്ച ആരംഭിക്കുന്ന യു എസ് ഓപ്പണില്‍ നിന്ന് മുന്‍ ലോക ഒന്നാം നമ്പര്‍ നൊവാക്ക് ജോക്കോവിച്ച് പിന്‍മാറി. കൊവിഡ് വാക്‌സിനെടുക്കാത്ത സെര്‍ബിയന്‍ താരത്തിന് ടൂര്‍ണ്ണമെന്റില്‍ പങ്കെടുക്കാനാവില്ല. കൊവിഡ് പ്രോട്ടോകോളുകള്‍ തിരിച്ചടി ആയതോടെ ജോക്കോവിച്ച് ടൂര്‍ണ്ണമെന്റില്‍ നിന്ന് പിന്‍മാറുകയായിരുന്നു. ഇതേ കാരണത്താല്‍ താരം ഓസ്‌ട്രേലിയന്‍ ഓപ്പണില്‍ നിന്നും പിന്‍മാറിയിരുന്നു. 35കാരനായ ജോക്കോവിച്ച് മൂന്ന് തവണ യു എസ് ഓപ്പണ്‍ നേടിയിട്ടുണ്ട്. 21 ഗ്രാന്‍സ്ലാം നേടിയ ജോക്കോവിച്ച് റാഫേല്‍ നദാലിന്റെ 22 ഗ്രാന്‍സ്ലാം റെക്കോഡ് തകര്‍ക്കാനിരിക്കെയാണ് പിന്‍മാറ്റം.