വിംബിള്‍ഡണ്‍; ഇഗയുടെ അപരാജിത കുതിപ്പിന് വിരാമമിട്ട് അലീസേ കോര്‍ണറ്റ്

ലണ്ടന്‍: ലോക ഒന്നാം നമ്പര്‍ താരം പോളണ്ടിന്റെ ഇഗാ സ്വയാടെക് വിംബിള്‍ഡണില്‍ നിന്ന് പുറത്ത്. ഇന്ന് നടന്ന വനിതാ സിംഗിള്‍സ് മൂന്നാം റൗണ്ട് മല്‍സരത്തില്‍ ഫ്രഞ്ച് താരം അലീസേ കോര്‍ണറ്റാണ് ഇഗയെ പുറത്താക്കിയത്. സ്‌കോര്‍ 6-4, 6-2. ഇഗയുടെ 37 മല്‍സരങ്ങളിലെ അപരാജിത കുതിപ്പാണ് ഇന്ന് അവസാനിച്ചത്. വിംബിള്‍ഡണ്‍ ഈ സീസണിലെ ഏറ്റവും വലിയ അട്ടിമറിയാണ് ഇന്ന് നടന്നത്.

മറ്റൊരു മല്‍സരത്തില്‍ രണ്ട് തവണ വിംബിള്‍ഡണ്‍ ചാംപ്യനായ പെട്രാ ക്വവിറ്റോവയും പുറത്തായി. നാലാം സീഡ് സ്‌പെയിനിന്റെ പൗളാ ബഡോസയാണ് 7-5, 7-6 സെറ്റുകള്‍ക്ക് ക്വവിറ്റോവയെ പരാജയപ്പെടുത്തിയത്. ബഡോസയുടെ നാലാം റൗണ്ടിലെ എതിരാളി മുന്‍ ചാംപ്യന്‍ സിമോണാ ഹാലപ്പാണ്.